ព្រឹកនេះបន្តរកឃើញអ្នកឆ្លងថ្មី ៣៤នាក់ទៀត មានជនជាតិខ្មែរ១២នាក់ និងជាសះស្បើយ១៩នាក់ផងដែរ

នៅព្រឹកថ្ងៃទី០៧ ខែមីនា ឆ្នាំ២០២១នេះ ក្រសួងសុខាភិបាលកម្ពុជា បានចេញសេចក្តីជូនដំណឹងពី ការរកឃើញករណីវិជ្ជមានវីរុសកូវីដ១៩ថ្មី ចំនួន៣៤នាក់ និងមានករណីជាសះស្បើយថ្មី១៩នាក់ផងដែរ។

យោងតាមសេចក្តីប្រកាសរបស់ក្រសួងសុខាភិបាល បានបញ្ជាក់ថា អ្នកវិជ្ជមានទាំង៣៤នាក់នោះ គឺមាន០៣នាក់ជាអ្នកដំណើរចូលមកកម្ពុជា និង៣១នាក់ទៀត ជាអ្នកពាក់ព័ន្ធព្រឹត្តិការណ៍ សហគមន៍២០កុម្ភៈ ចំណែកឯអ្នកជាសះស្បើយទាំង១៩នាក់ គឺសុទ្ធតែជាអ្នកជំងឺពាក់ព័ន្ធព្រឹត្តិការណ៍ សហគមន៍២០កុម្ភៈ ទាំងអស់។ សូមអានសេចក្តីជូនព័ត៌មាននៅខាងក្រោម៖