រដ្ឋាភិបាលថៃបានរាយការណ៍អំពីករណីជំងឺ COVID-19 ថ្មីចំនួន ៣៩ករណី ដោយក្នុងនោះមាន ២៨ករណី ជាការចម្លងក្នុងសហគមន៍ និង ១១ករណី ជាការនាំចូលពីបរទេស ដែលនាំឱ្យចំនួនអ្នកជំងឺ COVID-19 សរុបនៅប្រទេសនេះមានដល់ ២៨,៧៧៣ ករណី នេះបើតាមការចុះផ្សាយរបស់សារព័ត៌មាន បាងកកប៉ុស្ដិ៍ នៅថ្ងៃច័ន្ទ ទី២៩ ខែមីនា ឆ្នាំ២០២១។ ថ្ងៃនេះផងដែរពុំមានអ្នកស្លាប់បន្ថែមត្រូវបានគេកត់ត្រានោះទេ ដូច្នេះចំនួនអ្នកស្លាប់នៅតែមាន ៩៤ នាក់ដដែល។

ក្នុងចំណោមករណីសរុបទាំង ២៨,៧៧៣ ករណី មានអ្នកជំងឺ ២៧,៣១៣ នាក់ (៩៥%) បានជាសះស្បើយនិងរំសាយទៅផ្ទះ រួមទាំងការរំសាយថ្មីចំនួន ៧៤នាក់ ក្នុងរយៈពេល ២៤ ម៉ោងកន្លងមក ខណៈអ្នកជំងឺចំនួន ១,៣៦៦ នាក់ កំពុសម្រាកព្យាបាលនៅឡើយ។ ទន្ទឹមនឹងនេះដែរ ចំនួនករណីថ្មីពីទូទាំងពិភពលោកបានកើនដល់ ៤៨៥,៧៣២ ករណី ក្នុងរយៈពេល ២៤ ម៉ោងចុងក្រោយ ដែលនាំឱ្យចំនួនសរុបមានដល់ ១២៧.៧៦ លានករណី។ ចំនួនអ្នកស្លាប់ទូទាំងពិភពលោកបានកើនឡើងដល់ ៦,៧៨៩ នាក់ ដែលធ្វើឱ្យចំនួនសរុបកើនដល់ ២.៨០ លាននាក់៕

អត្ថបទ៖ លីដា
ប្រភព៖ បាងកកប៉ុស្ដិ៍