អាណិតណាស់! ថ្ងៃនេះ ក្រសួងរកឃើញកុមារ៤នាក់នៅភ្នំពេញបានឆ្លងកូវីដ១៩ ក្នុងនោះមានទារកអាយុ ៨ខែម្នាក់ផងដែរ

នៅព្រឹកថ្ងៃទី០១ ខែមេសា ឆ្នាំ២០២១នេះ ក្រសួងសុខាភិបាលកម្ពុជា បានចេញសេចក្តីជូនដំណឹងពី ការរកឃើញករណីវិជ្ជមានវីរុសកូវីដ១៩ថ្មី ចំនួន ៣៧នាក់ និងមានករណីជាសះស្បើយថ្មីចំនួន ៤៩នាក់ផងដែរ។ យោងតាមសេចក្តីប្រកាសរបស់ក្រសួងសុខាភិបាល បានបញ្ជាក់ថា អ្នកវិជ្ជមានទាំង ៣៧នាក់នោះ គឺ ០២នាក់ជាអ្នកដំណើរចូលមកកម្ពុជា និង៣៥នាក់ទៀតជាអ្នកពាក់ព័ន្ធព្រឹត្តិការណ៍ សហគមន៍២០កុម្ភៈ។

នៅក្នុងចំណោមអ្នកវិជ្ជមានទាំង៣៧នាក់នេះ ក៏មានកុមារ០៤នាក់ផងដែរ រួមមាន៖

១- កុមារាជនជាតិខ្មែរ អាយុ ០៨ឆ្នាំ មានអាសយដ្ឋានស្នាក់នៅ សង្កាត់ទឹកថ្លា ខណ្ឌសែនសុខ រាជធានីភ្នំពេញ។

២- កុមារីជនជាតិខ្មែរ អាយុ ០២ឆ្នាំមានអាសយដ្ឋានស្នាក់នៅ សង្កាត់ទឹកថ្លា ខណ្ឌសែនសុខ រាជធានីភ្នំពេញ។

៣- កុមារីជនជាតិខ្មែរ អាយុ ០៣ឆ្នាំ មានអាសយដ្ឋានស្នាក់នៅ រាជធានីភ្នំពេញ។

៤- ទារជនជាតិខ្មែរ អាយុ ០៨ខែ មានអាសយដ្ឋានស្នាក់នៅ ខណ្ឌដូនពេញ រាជធានីភ្នំពេញ។