ភ្នំពេញ មានអ្នកឆ្លងថ្មី ៤៦៥នាក់ បន្ថែមទៀត ខណៈអ្នកឆ្លងសរុបក្នុងព្រឹត្តិការណ៍សហគមន៍២០កុម្ភៈ ៦៤៧០នាក់

នៅរសៀលថ្ងៃទី១៩ ខែមេសា ឆ្នាំ២០២១នេះ ក្រសួងសុខាភិបាលកម្ពុជា បានចេញសេចក្តីជូនដំណឹងពី ការរកឃើញករណីវិជ្ជមានវីរុសកូវីដ១៩ថ្មី ចំនួន៦២៤នាក់ និងមានករណីជាសះស្បើយថ្មីចំនួន៤៨ នាក់ផងដែរ។

យោងតាមសេចក្តីប្រកាសរបស់ក្រសួងសុខាភិបាល បានបញ្ជាក់ថា អ្នកវិជ្ជមានទាំ៦២៤នាក់នោះ គឺជាអ្នកពាក់ព័ន្ធព្រឹត្តិការណ៍ សហគមន៍២០កុម្ភៈ ទាំងអស់ ហើយក្នុងនោះមានអ្នកវិជ្ជមាននៅរាជធានីភ្នំពេញរហូតដល់ទៅ ៤៦៥នាក់ មានជនជាតិខ្មែរ ចំនួន ៤៥៨នាក់ ( ស្ត្រី២៣២នាក់ និងបុរស ២២៦នាក់) និងជនជាតិចិន ចំនួន០៧នាក់ (ស្ត្រី០២នាក់ បុរស០៥នាក់)៕