អ្នកជំងឺកូវីដ១៩ ដែលព្យាបាលនៅកោះពេជ្រ ចំនួន ១២៧នាក់ទៀត ត្រូវបានក្រុមគ្រូពេទ្យឲ្យត្រឡប់ទៅផ្ទះវិញ ក្រោយព្យាបាលជាសះស្បើយ
កូវីដ-១៩ May 4, 2021 Khmernote Media

យោងតាមការបញ្ជាក់ពីគ្រូពេទ្យស្ម័គ្រចិត្តយុវជនសម្តេចតេជោ-TYDA បានឲ្យដឹងនៅយប់ថ្ងៃទី៤ ខែឧសភា ឆ្នាំ២០២១ នេះថា នៅមណ្ឌលព្យាបាលជំងឺកូវីដ-១៩ កម្រិតស្រាលកោះពេជ្រ អ្នកជំងឺចំនួន ១២៧នាក់បន្ថែមទៀតត្រូវបានក្រុមគ្រូពេទ្យរបស់យើងអោយត្រឡប់ទៅផ្ទះវិញកាលពីព្រឹក ថ្ងៃទី០៤ ខែឧសភា ឆ្នាំ២០២១ ក្រោយពីទទួលការព្យាបាលយ៉ាងយកចិត្តទុកដាក់ខ្ពស់ពីសំណាក់ ក្រុមគ្រូពេទ្យសម្តេចតេជោប្រឆាំងជំងឺកូវីដ១៩ ពួកគាត់បានជាសះស្បើយ និងត្រូវធ្វើចត្តាឡីស័កខ្លួនឯងដាច់ដោយឡែករយៈពេល១៤ថ្ងៃបន្តទៀត ដើម្បីតាមដានសុខភាព៕