ជូនដំណឹង! បុគ្គលិកនៅជាន់ទី៣ ហាង Zando សាខាមុខផ្សារ City Mall បានកើតកូវីដ, សូមអ្នកធ្លាប់ចូលប្រញាប់ទៅធ្វើតេស្ត

យោងតាមការបញ្ជាក់ពី អនុគណៈកម្មការស្រាវជ្រាវជំងឺកូវីដ១៩ បានឲ្យដឹងថា សូមពាក់ម៉ាស់ រក្សារគម្លាត ឧស្សាហ៍លាងដៃ គ្រប់ទីកន្លែង គ្រប់ពេលវេលា និងសូមអំពាវនាវដល់ប្រជាពលរដ្ឋ ដែលបានទៅ ឬមានទំនាក់ទំនងជាមួយបុគ្គលិក ហាងលក់សម្លៀកបំពាក់ Zando សាខាទល់មុខផ្សាទំនើប​​ City Mall ដែលមានទីតាំងស្ថិតនៅផ្លូវលេខ២១៧ សង្កាត់វាលវង់ ខណ្ឌ ៧មករា ចាប់ពីថ្ងៃទី ២៦ ដល់ថ្ងៃទី​ ៣១ ខែឧសភា​ ឆ្នាំ២០២១។

ដោយមូលហេតុ៖ អ្នកជំងឺកូវីដ១៩​​ ម្នាក់គឺជាបុគ្គលិកធ្វើការនៅទីតាំងខាងលើនេះ (ជាន់ទី៣) ហើយបានប៉ះពាល់ជាមួយបុគ្គលិកផ្សេងទៀតជាច្រើនអ្នក។ អ្នកប៉ះពាល់ទាំងនោះ បានទៅយកសំណាករួចរាល់ហើយ។ ដើម្បីសុវត្ថិភាព សូមដាក់ខ្លួន ដាច់ដោយឡែក និងយកចិត្តទុកដាក់ តាមដានសុខភាពរបស់ខ្លួនរយៈពេល ១៤ ថ្ងៃ ចាប់ពីថ្ងៃដែលអ្នកបានប៉ះពាល់ ឬបានទៅទីកន្លែងនេះ។