ជូនដំណឹង! ហាងល្បីៗទាំង៣នេះ នៅក្នុងអគារ Exchange Square មានអ្នកជំងឺកូវីដបានចូលទិញទំនិញ ហើយអ្នកប៉ះពាល់នៅទីតាំងទាំងនោះមិនទាន់បានទៅយកសំណាក

យោងតាមការបញ្ជាក់ពី អនុគណៈកម្មការស្រាវជ្រាវជំងឺកូវីដ១៩ បានឲ្យដឹងថា សូមពាក់ម៉ាស់ រក្សារគម្លាត ឧស្សាហ៍លាងដៃ គ្រប់ទីកន្លែង គ្រប់ពេលវេលា និង សូមអំពាវនាវដល់ប្រជាពលរដ្ឋ ដែលបានទៅផ្សារទំនើប ឡាក់គី ព្រីមៀម, ឱសថស្ថាន ហ្គាឌៀន ​និង ហាង​នំ ​ប្រ៊េដថក នៅក្នុងអគារ ​Exchange Square ដែលមានទីតាំងស្ថិតនៅផ្លូវ១០៦ សង្កាត់វត្តភ្នំ ខណ្ឌដូនពេញ ចាប់ពីថ្ងៃទី ២៨ ខែឧសភា ចន្លោះម៉ោង ១៧៖០០ ដល់ម៉ោង ១៧៖៤០នាទី។

​ដោយមូលហេតុ៖ អ្នកជំងឺកូវីដ១៩​​ បានទៅទិញទំនិញនៅទីតាំងខាងលើនេះ ហើយអ្នកប៉ះពាល់នៅទីតាំងខាងលើនេះមិនទាន់បានទៅយកសំណាកនៅឡើយ គិតត្រឹមថ្ងៃទី៣ ខែមិថុនា ឆ្នាំ២០២១។ ដើម្បីសុវត្ថិភាព សូមដាក់ខ្លួន ដាច់ដោយឡែក និងយកចិត្តទុកដាក់ តាមដានសុខភាពរបស់ខ្លួនរយៈពេល ១៤ ថ្ងៃ ចាប់ពីថ្ងៃដែលអ្នកបានប៉ះពាល់ ឬបានទៅទីកន្លែងនេះ។ សូមអរគុណ!