ក្រសួងសុខាភិបាលច្រានចោលការផ្សាយព័ត៌មានមិនពិត ដែលថាវីវុសកូវីដ១៩ ជាបាក់តេរី ដែលត្រូវបានប៉ះពាល់នឹងវិទ្យុសកម្ម និងបញ្ចូលឈា.ម បណ្តាលឲ្យមនុស្សបាត់បង់ជីវិត
ព័ត៌មានជាតិ June 10, 2021 Khmernote Media

យោងតាមលិខិតរបស់ក្រសួងសុខាភិបាលកម្ពុជា បានធ្វើការប្រកាសច្រានចោលទាំងស្រុង នូវអត្ថបទព័ត៌មាន ដែលបានចែកចាយតាមបណ្តាញទំនាក់ទំនងសង្គមនាថ្ងៃទី០៩ ខែមិថុនា ឆ្នាំ២០២១ ដែលបានចុះផ្សាយអត្ថបទលើកឡើងពី ប្រទេសសឹងបុរី បានក្លាយជាប្រទេសដំបូងគេនៅលើពិភពលោក ដែលធ្វើកោសល្យវិច័យលើសាកសពដែលមានអ្នកជំងឺកូវីដ១៩ រកឃើញថាកូវីដ១៩ មិនមែនជាវីរុសទេ

ប៉ុន្តែជាបាក់តេរី ដែលត្រូវបានប៉ះពាល់និងវិទ្យុសកម្ម និងបញ្ចូលឈាម បណ្តាលឲ្យស្លាប់មនុស្សព្រមទាំងអាចបណ្តាលឲ្យឈាមរបស់មនុស្សមានការកកឈាម និងបណ្តាលឲ្យកំណកឈាមធ្វើឲ្យមនុស្សពិបាកដកដង្ហើម ព្រោះខួរក្បាល បេះដូង និងសួតមិនអាចទទួលបានអុកស៊ីហ្សែន ធ្វើឲ្យមនុស្សស្លាប់យ៉ាងឆាប់រហ័ស និងមានសរសេរដាក់ប្រភពថា៖ ក្រសួងសុខាភិបាលសឹង្ហបុរី ទៀតផងនោះ គឺជាព័ត៌មានមិនពិតក្លែងបន្លំ និងបំពុលសង្គម នៅក្នុងដំណាក់កាលដែលបណ្តាប្រទេសនៅលើសកលលោក បាន និងកំពុងរងគ្រោះ ដោយការរាតត្បាតពីវីរុសកូវីដ១៩។ សូមអានព័ត៌មានលំអិតខាងក្រោម៖