ប្រទេសឥណ្ឌាកត់ត្រាករណីជំងឺកូវីដ១៩ ថ្មីចំនួន ៥៣,២៥៦ ករណី និងមរណភាពចំនួន ១,៤២២ ករណី ក្នុងរយៈពេល ២៤ ម៉ោងចុងក្រោយនេះ

ប្រទេសឥណ្ឌានៅថ្ងៃច័ន្ទ ទី២១ ខែមិថុនា ឆ្នាំ២០២១ បានកត់ត្រាករណីឆ្លងជំងឺ COVID-19 ថ្មីចំនួន ៥៣,២៥៦ ករណី ដែលជាចំនួនប្រចាំថ្ងៃទាបបំផុតមួយ ក្នុងរយៈពេល ៨៨ ថ្ងៃកន្លងមកនេះ ដែលនាំឱ្យចំនួនឆ្លងសរុបកើនដល់ ២៩,៩៣៥,២២១ ករណី ខណៈដែលករណីសកម្មបានថយចុះមកនៅ ៧០២,៨៨៧ ករណី។ ចំណែកចំនួនអ្នកស្លាប់សរុបបានកើនឡើងដល់ ៣៨៨,១៣៥ នាក់ ជាមួយនឹងករណីថ្មីចំនួន ១,៤២២ ករណី ដែលជាចំនួនទាបបំផុតក្នុងរយៈពេល ៦៥ ថ្ងៃកន្លងមក។

ឥឡូវនេះប្រទេសឥណ្ឌាមានស្ថានភាពប្រសើរឡើងវិញហើយ ដោយករណីសកម្មនាពេលបច្ចុប្បន្នមានចំនួន ២.៣៥ % នៃការឆ្លងសរុប ខណៈអត្រានៃការជាសះស្បើយបានកើនឡើងដល់ ៩៦.៣៦%។

ចំនួនមនុស្សដែលបានជាសះស្បើយពីជំងឺបានកើនដល់ ២៨,៨៤៤,១៩៩ ករណី ខណៈអត្រានៃការស្លាប់បានកើនឡើងដល់ ១.៣០% ។ ក្នុងនោះផងដែរ ការធ្វើតេស្តចំនួន ១,៣៨៨,៦៩៩ ករណី ត្រូវបានធ្វើឡើងកាលពីថ្ងៃអាទិត្យ ដោយធ្វើ​ឱ្យចំនួនតេស្តសរុបចំពោះជំងឺ COVID-19 នៅក្នុងប្រទេសឥណ្ឌា កើនដល់ចំនួន ៣៩២,៤០៧,៧៨២ ករណី។ គិតមកទល់នឹងពេលនេះ ឥណ្ឌាក៏បានបញ្ចេញវ៉ាក់សាំងចំនួន ២៨០,០៣៦,៨៩៨ ដូស សម្រាប់ចាក់ការពារប្រជាជនរបស់ពួកគេផងដែរ៕

អត្ថបទ៖ លីដា
ប្រភព៖ India Times