សូមប្រុងប្រយ័ត្នជានិច្ច! ទីតាំងទាំង៥កន្លែងនេះទៀត ជាប់ពាក់ព័ន្ធជាមួយករណីកូវីដ១៩
យោងតាមការបញ្ជាក់ពី អនុគណៈកម្មការស្រាវជ្រាវជំងឺកូវីដ១៩ បានឲ្យដឹងថា សូមអំពាវនាវដល់ប្រជាពលរដ្ឋ ដែលបានទៅ ឬមានទំនាក់ទំនងជាមួយបុគ្គលិកធ្វើការទាំង៥កន្លែងនេះ៖
+ ធនាគារ ABA សាខាចំការដូង ដែលមានទីតាំងស្ថិតនៅផ្លូវ២១៧ សង្កាត់ជើងឯក ខណ្ឌដង្កោ ចាប់ពីថ្ងៃទី១៨ ដល់ថ្ងៃទី ២៥ ខែមិថុនា ឆ្នាំ២០២១។ មូលហេតុ៖ អ្នកជំងឺកូវីដ១៩ (COVID-19) គឺជាបុគ្គលិកធ្វើការខាងផ្នែក Teller នៅទីតាំងខាងលើនេះ។
+ ធនាគារ ហត្ថា សាខាបឹងកេងកង២ ដែលមានទីតាំងស្ថិតនៅលើបណ្ដោយផ្លូវព្រះមុនីវង្ស សង្កាត់បឹងកេងកង II ខណ្ឌចំកាមន ចាប់ពីថ្ងៃទី២០ ដល់ថ្ងៃទី ២៥ ខែមិថុនា ឆ្នាំ២០២១។ មូលហេតុ៖ អ្នកជំងឺកូវីដ១៩ (COVID-19) គឺជាបុគ្គលិកធ្វើការខាងផ្នែកលក់ នៅទីតាំងខាងលើនេះ។
+ កាហ្វេ អាម៉ាហ្សូន (Cafe Amazon Kapal) សាខាទួលគោក ដែលមានទីតាំងស្ថិតនៅអគារ Boss Building ផ្លូវ៥៩២ សង្កាត់បឹងកក់២ ខណ្ឌទួលគោក នៅថ្ងៃទី២៥ ខែមិថុនា ឆ្នាំ២០២១ ចាប់ពីម៉ោង ០៩ និង៥០នាទី ដល់ ១១ និង៤០នាទី។ មូលហេតុ៖ អ្នកជំងឺកូវីដ១៩ (COVID-19) មានគ្នា ៥នាក់ បានទៅទីតាំងខាងលើនេះ។ អ្នកជំងឺមិនបានចូលក្នុងហាងទេ គឺអង្គុយនៅតុខាងក្រៅ។ អ្នកជំងឺ បានចាកចេញពីទីតាំងនេះដោយជិះម៉ូតូកង់បី។ បើបងរត់កង់បី បានដឹង សូមបងប្រញាប់ទៅធ្វើតេស្ដ។
+ ហាង ហេបភី ឡាម ដែលមានទីតាំងស្ថិតនៅតាមផ្លូវមាត់ទន្លេក្រោយផ្សារទំនើប Aeon សាខាទី១ ក្នុងសង្កាត់ទន្លេបាសាក់ ខណ្ឌចំការមន នៅថ្ងៃទី២១ ខែមិថុនា ឆ្នាំ២០២១ ចាប់ពីម៉ោង ១៣ និង១០នាទី ដល់ ១៤ និង៣៥នាទី។ មូលហេតុ៖ អ្នកជំងឺកូវីដ១៩ (COVID-19) មានគ្នា ៤នាក់ បានជិះកង់បី ទៅហូបអាហារនៅទីតាំងខាងលើនេះ។ បើបងរត់កង់បី បានដឹង សូមបងប្រញាប់ទៅធ្វើតេស្ដ។
+ ហាង Sushi Tei សាខាអគារ Exchange Square ដែលមានទីតាំងស្ថិតនៅផ្លូវលេខ ១០៦ សង្កាត់វត្តភ្នំ ខណ្ឌដូនពេញ នៅថ្ងៃទី២៤ ខែមិថុនា ឆ្នាំ២០២១ ចាប់ពីម៉ោង ១២ និង២០នាទី ដល់ ១៤ និង១០នាទី។ មូលហេតុ៖ អ្នកជំងឺ កូវីដ១៩ (COVID-19) មានគ្នា ២នាក់ បានចូលទៅហូបអាហារនៅទីតាំងខាងលើនេះ។
ដើម្បីសុវត្ថិភាព សូមដាក់ខ្លួន ដាច់ដោយឡែក និងយកចិត្តទុកដាក់ តាមដានសុខភាពរបស់ខ្លួនរយៈពេល ១៤ ថ្ងៃ ចាប់ពីថ្ងៃដែលអ្នកបានប៉ះពាល់ ឬបានទៅទីកន្លែងនេះ។ សូមពាក់ម៉ាស់ រក្សារគម្លាត ឧស្សាហ៍លាងដៃ គ្រប់ទីកន្លែង គ្រប់ពេលវេលា ដើម្បីសុវត្ថិភាព!! សូមអរគុណ!
