សូមប្រុងប្រយ័ត្នជានិច្ច! កន្លែងធំៗចំនួន ៥ទីតាំងនេះ បានជាប់ទាក់ទងជាមួយករណីកូវីដ១៩
យោងតាមការបញ្ជាក់ពី អនុគណៈកម្មការស្រាវជ្រាវជំងឺកូវីដ១៩ បានឲ្យដឹងថា សូមអំពាវនាវដល់ប្រជាពលរដ្ឋ ដែលបានទៅ និងមានទំនាក់ទំនងជាមួយទីតាំងក្រោមនេះ ដើម្បីសុវត្ថិភាពសូមដាក់ខ្លួន ដាច់ដោយឡែក និងយកចិត្តទុកដាក់ តាមដានសុខភាពរបស់ខ្លួនរយៈពេល ១៤ ថ្ងៃ ចាប់ពីថ្ងៃដែលអ្នកបានប៉ះពាល់ ឬបានទៅទីកន្លែងនេះ ដោយសារទីតាំងទាំងនោះពាក់ព័ន្ធជាមួយករណីកូវីដ។ ទីតាំងនោះមាន៖
+ ហាង Daiso Japan សាខាផ្សារទំនើប AEON ១ ដែលមានទីតាំងស្ថិតនៅជាន់ទី១ នៃផ្សារទំនើប AEON ១ ផ្លូវសុធារស់ សង្កាត់ទន្លេបាសាក់ ខណ្ឌចំការមន នៅថ្ងៃទី៣០ ខែមិថុនា ឆ្នាំ២០២១ ចាប់ពីម៉ោង ១២ និង៤០នាទី ដល់ ១៣ និង០០នាទី មានអ្នកជំងឺ កូវីដ១៩ (COVID-19) បានទៅទីតាំងខាងលើនេះ។
+ ធនាគារ ABA សាខាផ្លូវមុនីវង្ស (ABA Central Branch) ដែលមានទីតាំងស្ថិតនៅអគារលេខ ២៩៨ABCD ផ្លូវមុនីវង្ស សង្កាត់បឹងរាំង ខណ្ឌដូនពេញ ចាប់ពីថ្ងៃទី២៤ ខែមិថុនា ដល់ថ្ងៃទី១ ខែកក្កដា ឆ្នាំ២០២១ មានអ្នកជំងឺកូវីដ១៩ (COVID-19) គឺជាបុគ្គលិកធ្វើការ នៅទីតាំងខាងលើនេះ។
+ ហាង មី-អា (MI-A Japan) សាខា ផ្សារទំនើប AEON ១ ដែលមានទីតាំងស្ថិតនៅជាន់ទី១ នៃផ្សារទំនើប AEON ១ ផ្លូវសុធារស់ សង្កាត់ទន្លេបាសាក់ ខណ្ឌចំការមន នៅថ្ងៃទី៣០ ខែមិថុនា ឆ្នាំ២០២១ ចាប់ពីម៉ោង ១២ និង៤០នាទី ដល់ ១៣ និង០០នាទី មានអ្នកជំងឺកូវីដ១៩ (COVID-19) បានទៅទីតាំងខាងលើនេះ។
+ ភោជនីយដ្ឋាន សេង លីប ដែលមានទីតាំងស្ថិតនៅតាមផ្លូវ ផ្លូវមន្នីវង្ស សង្កាត់ស្រះចក ខណ្ឌដូនពេញ ចាប់ពីថ្ងៃទី២៤ ខែមិថុនា ដល់ថ្ងៃទី២ ខែកក្កដា ឆ្នាំ២០២១ មានអ្នកជំងឺកូវីដ១៩ (COVID-19) គឺជាបុគ្គលិកធ្វើការខាងផ្នែករត់តុ នៅទីតាំងខាងលើនេះ ហើយបុគ្គលិកធ្វើការនៅទីតាំងខាងលើនេះ ចំនួន ១០នាក់ បានឆ្លងមេរោគ កូវីដ១៩។
+ តូបលេខ I1 238 – I1-239 ក្នុង ផ្សារធំថ្មី ខាងជ្រុងជាប់បន្ទប់ទឹក ចាប់ពីថ្ងៃទី២៤ ដល់ថ្ងៃទី ៣០ ខែមិថុនា ឆ្នាំ២០២១ មានអ្នកជំងឺ កូវីដ១៩ (COVID-19) គឺជាអ្នកលក់ខោអាវនៅតូបខាងលើនេះ។ គាត់តែងតែទៅទិញម្ហូប ក្នុងផ្សារនេះផងដែរ។
