ដឹងលទ្ធផលធ្វើតេស្តសំណាករបស់អាជីវករជាង១០០នាក់នៅផ្សាសិនជូរីផ្លាហ្សាកាលពីព្រឹកមិញហើយ
- August 3, 2021
យោងតាមការបញ្ជាក់ព័ត៌មានពី រដ្ឋបាលខណ្ឌពោធិ៍សែនជ័យ បានឲ្យដឹងថា នៅព្រឹកថ្ងៃទី០៣ ខែសីហា ឆ្នាំ២០២១នេះ ក្រុមគ្រូពេទ្យស្ម័គ្រចិត្តយុវជនសម្តេចតេជោ ហៅកាត់ TYDA បានធ្វើការចុះយកសំណាកបងប្អូនអាជីវករលក់ដូរនៅផ្សាសិនជូរីផ្លាហ្សា ដែលមានទីតាំងស្ថិតនៅតាមបណ្តោយផ្លូវសហព័ន្ធរុស្ស៊ី ក្នុងសង្កាត់កាកាបទី ១ ខណ្ឌពោធិ៍សែនជ័យ រាជធានីភ្នំពេញ ក្រោយមានការសង្ស័យមានករណីកូវីដ១៩ បំប្លែងថ្មី ប្រភេទ Delta។
ក្រោយប្រតិបត្តិការចុះយកសំណាកអាជីវកររួច នៅមុននេះបន្តិច អនុគណៈកម្មការស្រាវជ្រាវជំងឺកូវីដ១៩ បានបញ្ជាក់ឲ្យដឹងថា ពុំមានករណី វិជ្ជមាន វីរុសកូវីដ-១៩ នៅផ្សារសិនជូរីផ្លាហ្សា សម្រាប់ការចុះធ្វើតេស្ដលើប្រជាពលរដ្ឋសរុបចំនួន ១៦២នាក់ កាលពីព្រឹកថ្ងៃទី ០៣ ខែសីហា ឆ្នាំ២០២១ នោះទេ៕
- Share This Post: