យោងតាមការចុះផ្សាយរបស់សារព័ត៌មាន Hindustan Times នៅថ្ងៃសុក្រ ទី១៣ ខែសីហា ឆ្នាំ២០២១ បានរាយការណ៍ថា ប្រទេសឥណ្ឌាបានកត់ត្រាករណីជំងឺ COVID-19 ថ្មីចំនួន ៤០,១២០ ករណី ក្នុងរយៈពេល ២៤ ម៉ោងចុងក្រោយនេះ ដែលធ្វើឱ្យចំនួនករណីឆ្លងនៅទូទាំងប្រទេសកើនឡើងដល់ ៣២,១១៧,៨២៦ ករណី ខណៈចំនួនការស្លាប់បានកើនឡើងដល់ ៤៣០,២៥៤ ករណី បន្ទាប់ពីបានកត់ត្រាការស្លាប់ថ្មីចំនួន ៥៨៥ ករណីបន្ថែមទៀត។

ករណីសកម្មរបស់ប្រទេសនេះ បានធ្លាក់ចុះត្រឹម ៣៨៥,២២៧ ករណី នេះបើយោងតាមទិន្នន័យដែលចេញដោយក្រសួងសុខាភិបាលឥណ្ឌានៅម៉ោង ៨ ព្រឹក ខណៈដែលចំនួនជាសះស្បើយពីជំងឺនេះបានកើនឡើងដល់ ៣១,៣០២,៣៤៥ ករណី ឬស្មើនឹងការជាសះស្បើយ ៩៧.៤៥ % ។ ទន្ទឹមនឹងនេះ ការធ្វើតេស្ដរកជំងឺ COVID-19 ថ្មីចំនួន ១,៩៧០,៤៩៥ ករណី ក៏ត្រូវបានកត់ត្រាផងដែរ ដែលធ្វើឱ្យចំនួននៃការតេស្ដសរុបកើនដល់ ៤៨៩,៤៧០,៧៧៩ ករណី ៕

អត្ថបទ៖ លីដា
ប្រភព៖ Hindustan Times