ម្សិលមិញនេះ ប្រទេសវៀតណាមបានរកឃើញករណីជំងឺកូវីដ១៩ ថ្មីចំនួន ១១,៥០៦ ករណី និងការបាត់បង់ចំនួន ២១២ ករណីបន្ថែមទៀត

អាជ្ញាធរសុខាភិបាលវៀតណាម បានបញ្ជាក់ពីការចម្លងនៅក្នុងសហគមន៍ចំនួន ១១,៥០៦ ករណី នៅយប់ថ្ងៃសុក្រ ទី១៧ ខែកញ្ញា ឆ្នាំ២០២១ ដែលជំរុញឱ្យចំនួនករណីជំងឺ COVID-19 សរុបនៅក្នុងរលកឆ្លងបច្ចុប្បន្នកើនឡើងដល់ ៦៦៣,២៣៣ ករណី។ ទីក្រុងហូជីមិញបានបន្តនាំមុខគេ ដោយមានករណីថ្មីចំនួន ៥,៩៧២ ករណី បន្ទាប់មកគឺខេត្តប៊ិញឌួង មានចំនួន ៤,០១៣ ករណី ហើយជាមធ្យមប្រទេសវៀតណាម បានកត់ត្រាករណីថ្មីចំនួន ១១,០៩០ ករណី ក្នុងមួយថ្ងៃក្នុងរយៈពេល ៧ ថ្ងៃចុងក្រោយនេះ។

ចំនួនអ្នកស្លាប់ចាប់តាំងពីជំងឺរាតត្បាត COVID-19 បានចាប់ផ្តើម បានកើនឡើងដល់ ១៦,៦៣៧ ករណី បន្ទាប់ពីការស្លាប់ចំនួន ២១២ ករណី ត្រូវបានប្រកាសនៅថ្ងៃសុក្រ ហើយអត្រាការស្លាប់ជាមធ្យមក្នុងមួយថ្ងៃគឺមាន ២៥០ នាក់ ក្នុងរយៈពេល ៧ ថ្ងៃចុងក្រោយនេះ។ ការជាសះស្បើយសរុបបានកើនឡើងដល់ ៤៣៣,៤៦៥ ករណី បន្ទាប់ពីអ្នកជំងឺចំនួន ៩,៩១៤ នាក់ ត្រូវបានប្រកាសថាបានជាសះស្បើយនៅថ្ងៃសុក្រដដែល។ ឥឡូវនេះមនុស្សជាង ២៦.៨ លាននាក់ បានទទួលវ៉ាក់សាំងការពារជំងឺ COVID-19 យ៉ាងតិច១ដូស និងជាង ៦.១ លាននាក់ បានចាក់វ៉ាក់សាំងពេញលេញ៕

អត្ថបទ៖ លីដា
ប្រភព៖ VNexpress