អ្នកជំងឺកូវីដ Delta ម្នាក់ធ្លាប់ចូលកាត់សក់នៅមួយនេះ សូមអ្នកចេញ-ចូល និងជាងកាត់សក់ទីនោះតាមដានសុខភាពខ្លួនឯងឲ្យមែនទែន

យោងតាមការបញ្ជាក់ពី អនុគណៈកម្មការស្រាវជ្រាវជំងឺកូវីដ១៩ បានឲ្យដឹងថា នៅថ្ងៃទី១៩ ខែកញ្ញា ឆ្នាំ២០២១ អ្នកជំងឺកូវីដ១៩ បំប្លែងថ្មី Delta ០១នាក់ បានចូលកាត់សក់នៅហាងកាត់សក់ ពិសិដ្ឋស្ទាយថ្មី ដែលស្ថិតនៅ ផ្លូវ២៦៥ សង្កាត់បឹងសាឡាង ខណ្ឌទួលគោក រាជធានីភ្នំពេញ។

បញ្ជាក់ផងដែរថា អ្នកជំងឺចេញរោគសញ្ញានៅថ្ងៃទី១៨ ខែកញ្ញា ឆ្នាំ២០២១ រួចបានធ្វើតេស្ត រកឃើញវិជ្ជមានកូវីដ-១៩ នៅថ្ងៃទី២២ ខែកញ្ញា ឆ្នាំ២០២១។ សូមអំពាវនាវដល់បងប្អូនដែលបានទៅកាត់សក់ និងជាងកាត់សក់នៅទីតាំងខាងលើឲ្យមានការប្រុងប្រយ័ត្ន ដើម្បីសុវត្ថិភាព សូមយកចិត្តទុកដាក់ តាមដានសុខភាពរបស់ខ្លួនចាប់ពីថ្ងៃដែលអ្នកបានប៉ះពាល់ ឬបានទៅទីកន្លែងនេះ។ សូមចូលរួមអនុវត្តវិធានការ៣ការពារ និង៣កុំ