ប្រទេសវៀតណាមបន្ដកត់ត្រាការឆ្លងជំងឺកូវីដ១៩ ថ្មីចំនួន ៩,៨៨២ ករណីបន្ថែមទៀត
- BY
- autoadmin
- November 22, 2021
យោងតាមការចុះផ្សាយរបស់សារព័ត៌មាន VNexpress បានរាយការណ៍ថា ប្រទេសវៀតណាមបានកត់ត្រាករណីជំងឺ Covid-19 ក្នុងស្រុកថ្មីចំនួន ៩,៨៨២ ករណី កាលពីយប់ថ្ងៃអាទិត្យ ទី២១ ខែវិច្ឆិកា ឆ្នាំ២០២១ ដែលនាំឱ្យចំនួនអ្នកឆ្លងនៅក្នុងរលកថ្មីរបស់ខ្លួន មានដល់ ១,០៨៨,៤៩៨ ករណី។ តំបន់ចំនួន ៣ ដែលមានចំនួនករណីច្រើនជាងគេគឺ ទីក្រុងហូជីមិញមាន ១,២៥៦ ករណី, ខេត្តប៊ិញឌួង ៦៨៣ ករណី និងខេត្តដុងណៃ ៦០៤ ករណី។
ការស្លាប់ថ្មីចំនួន ៧៦ ករណី ក៏ត្រូវបានបញ្ជាក់កាលពីថ្ងៃអាទិត្យ ដែលធ្វើឱ្យចំនួនអ្នកស្លាប់សរុប មកទល់ពេលនេះគឺមាន ២៣,៧៦១ នាក់ ឬប្រហែល ២.២% នៃការឆ្លងទាំងអស់។ អ្នកជំងឺ Covid-19 ចំនួន ៥,៦១៣ នាក់ ត្រូវបានប្រកាសថា បានជាសះស្បើយកាលពីថ្ងៃអាទិត្យ ដែលនាំឱ្យចំនួនជាសះស្បើយមានដល់ ៩០៥,៥០០ ករណី។ គួរឱ្យដឹងដែរថា គិតមកទល់ពេលនេះ មានពលរដ្ឋវៀតណាមចំនួន ៦៦ លាននាក់ បានចាក់វ៉ាក់សាំងយ៉ាងហោចណាស់មួយដូស ហើយមាន ៤១ លាននាក់ បានចាក់វ៉ាក់សាំងពេញលេញ៕
អត្ថបទ៖ លីដា
ប្រភព៖ VNexpress
- Share This Post: