ប្រទេសវៀតណាមកត់ត្រាការឆ្លងជំងឺកូវីដ១៩ ថ្មីចំនួន ១១,៧៨៩ ករណី និងការបាត់បង់ចំនួន ១២៥ នាក់បន្ថែមទៀត
- BY
- autoadmin
- November 25, 2021
អាជ្ញាធរសុខាភិបាលវៀតណាមបានបញ្ជាក់ពីករណីជំងឺ COVID-19 ថ្មីចំនួន ១១,៧៨៩ ករណី កាលពីយប់ថ្ងៃពុធ ទី២៤ ខែវិច្ឆិកា ឆ្នាំ២០២១ នេះបើតាមការចុះផ្សាយរបស់សារព័ត៌មាន VnExpress ។ ទីក្រុងហូជីមិញបាននាំមុខគេជាមួយនឹងការឆ្លងថ្មីៗ ដោយមានករណីថ្មីចំនួន ១,៦៦៦ ករណី បន្ទាប់មកគឺខេត្ត Can Tho មាន ៧៦៦ ករណី និងខេត្ត Tay Ninh មាន ៧៥៤ ករណី។
ជាមួយគ្នានេះដែរ មានពលរដ្ឋបានស្លាប់ដោយសារជំងឺ COVID-19 ចំនួន ១២៥ នាក់ នៅថ្ងៃដដែល ដោយក្នុងនោះមាន ៦២ នាក់ នៅទីក្រុងហូជីមិញ, ១៦ នាក់ នៅខេត្ត Binh Duong និង ១១ នាក់នៅ Dong Nai ។
ចំនួនអ្នកស្លាប់ដោយសារជំងឺ COVID-19 របស់ប្រទេសវៀតណាម ចាប់តាំងពីការចាប់ផ្តើមនៃជំងឺរាតត្បាតគឺមានចំនួន ២៤,២៤៣ នាក់ ឬ ២.១% នៃការឆ្លងសរុប។ នៅក្នុងរលកទី៤ ដែលបានវាយប្រហារលើប្រទេសវៀតណាមកាលពីជិត ៧ ខែមុន មានមនុស្សជាង ១.១៥ លាននាក់ បានឆ្លងជំងឺ COVID-19 ហើយក្នុងនោះមាន ៩៣៤,៤៤៤ នាក់ បានជាសះស្បើយ៕
អត្ថបទ៖ លីដា
ប្រភព៖ VNExpress
- Share This Post: