ក្រសួងរកឃើញអ្នកឆ្លងថ្មី 34នាក់ (ករណីនាំចូល 7នាក់ និងឆ្លងសហគមន៍ 27នាក់) ប្រភេទអូមីក្រុងទាំងអស់ ខណៈអ្នកជាសះស្បើយ 19នាក់

នៅថ្ងៃទី27 ខែមករា ឆ្នាំ2022នេះ ក្រសួងសុខាភិបាលកម្ពុជា បានចេញសេចក្តីជូនដំណឹងពី ការរកឃើញករណីវិជ្ជមានវីរុសកូវីដ១៩ថ្មី ចំនួន 34នាក់ (លទ្ធផលបញ្ជាក់ដោយ PCR នឹងជាប្រភេទអូមីក្រុងទាំងអស់) ក្នុងនោះករណីឆ្លងសហគមន៍ 27នាក់ និងករណីនាំចូល 7នាក់ ខណៈអ្នកបានជាសះស្បើយថ្មីមានចំនួន 19នាក់ និងមិនមានអ្នកបាត់បង់ជីវិតថ្មីនោះទេគិតមកទល់ពេលនេះ ករណីឆ្លងកូវីដ១៩ សរុបនៅក្នុងប្រទេសកម្ពុជា មានចំនួន 121,150នាក់, ករណីជាសះស្បើយសរុប 117,286នាក់ និងស្លាប់សរុប 3,015នាក់៕​​