រដ្ឋាករទឹកស្វយ័តក្រុងភ្នំពេញ ផ្អាកផ្គត់ផ្គង់ទឹកបណ្ដោះអាសន្ន នៅខណ្ឌឬស្សីកែវ ដើម្បីសម្រួលដល់ការងារកាយធ្វើគ្រឹះក្បាលស្ពានបេតុងឆ្លងកាត់ទន្លេសាប

រាជធានីភ្នំពេញ៖ យោងតាមការចុះផ្សាយរបស់ រដ្ឋបាលខណ្ឌឬស្សីកែវ នៅថ្ងៃទី១៦ ខែសីហា ឆ្នាំ២០២២ ស្ដីពី សំណើរសុំកិច្ចសហការផ្ដល់ព័ត៌មានដល់ប្រជាពលរដ្ឋ ដែលមានលំនៅដ្ឋាននៅក្នុងសង្កាត់ឬស្សីកែវ ខណ្ឌឬស្សីកែវ អំពីការផ្អាកផ្គត់ផ្គង់ទឹកនៅយប់ថ្ងៃទី១៧ ខែសីហា ឆ្នាំ២០២២។

រដ្ឋាករទឹកស្វយ័តក្រុងភ្នំពេញ គ្រោងអនុវត្តការងារភ្ជាប់បំពង់ចែកចាយទឹកទំហំ ២២៥មម ចំនួន ១កន្លែង ដើម្បីសម្រួលដល់ការងារកាយធ្វើគ្រឹះក្បាលស្ពានបេតុងឆ្លងកាត់ទន្លេសាបនៅចំណុចប្រសព្វផ្លូវជាតិលេខ ៥ និងផ្លូវភ្ជាប់ក្បាលស្ពានក្នុងពេលឆាប់ៗនេះ ដែលត្រូវផ្អាកផ្គត់ផ្គង់ទឹកនៅយប់ថ្ងៃទី១៧ ខែសីហា ឆ្នាំ២០២២ លើបណ្ដោយផ្លូវជាតិលេខ ៥ ចាប់ពីផ្លូវលេខ ៣៦R ដល់ផ្លូវលេខ ៤៨R ស្ថិតក្នុងសង្កាត់ឬស្សីកែវ ខណ្ឌឬស្សីកែវ រាជធានីភ្នំពេញ។ ការងារភ្ជាប់បំពង់ចែកចាយទឹកទំហំ ២២៥មម នេះតម្រូវឱ្យរដ្ឋាករទឹកស្វយ័តក្រុងភ្នំពេញ ផ្អាកការផ្គត់ផ្គង់ ទឹកមួយរយៈពេលខ្លីប្រមាណជាង ០៥ម៉ោង គឺចាប់ពីម៉ោង ២២៖០០នាទីយប់ ដល់ម៉ោង ០៣៖០០នាទីទាបភ្លឺ និងអាចធ្វើឱ្យគុណភាពទឹកមានភាពល្អក់កករក្នុងរយៈពេលខ្លីក្រោយពេលធ្វើការភ្ជាប់បំពង់ចែកចែយទឹកនេះរួច។

អាស្រ័យហេតុនេះ សូម អភិបាល មេត្តាជួយផ្សព្វផ្សាយព័ត៌មានជូនប្រជាពលរដ្ឋ ស្ថាប័ន រោងចក្រ សហគ្រាស ដែលមានលំនៅដ្ឋាន និងទីតាំងខាងលើ ដែលត្រូវរងការខ្វះទឹករយៈពេលខ្លីនេះ ដើម្បីត្រៀមបម្រុងទឹក សម្រាប់ប្រើប្រាស់ ក្នុងរយៈពេលដូចបានជម្រាបជូនខាងលើ ដោយក្ដីអនុគ្រោះ ៕

ប្រភព៖ រដ្ឋបាលខណ្ឌប្ញស្សីកែវ