លោក ឃឹម ហ្វីណង់ អភិបាលស្រុកបន្ទាយស្រី ត្រូវបានតែងតាំងជាអភិបាលរងខេត្តសៀមរាប
រាជធានីភ្នំពេញ៖ យោងតាមសារលិខិតរបស់ រាជរដ្ឋាភិបាលកម្ពុជា នៅថ្ងៃទី០២ ខែកញ្ញា ឆ្នាំ២០២២ ចេញអនុក្រឹត្យនៅថ្ងៃទី៣០ ខែសីហា បានតែងតាំងអភិបាលរងខេត្តសៀមរាបចំនួន៤នាក់ ក្នុងនោះលោកឃឹម ហ្វីណង់ ត្រូវបានផ្ទេរពីអភិបាលស្រុកបន្ទាយស្រី ទៅជាអភិបាលរងខេត្តសៀមរាប។
រាជរដ្ឋាភិបាលកម្ពុជាសម្រេចតែងតាំងមន្ត្រីរាជការចំនួន ០៤រូប ឱ្យកាន់តំណែងអភិបាលរង នៃគណៈអភិបាលខេត្តសៀមរាបដូចមានរាយនាមខាងក្រោម៖
១.លោក សុខ ថុល
២.លោកស្រី ម៉ននី រង្សី
៣.លោក ឃឹម ហ្វីណង់
៤.លោក យុន លីនណេ។
រដ្ឋមន្ត្រីទទួលបន្ទុកទីស្ដីការគណៈរដ្ឋមន្ត្រី រដ្ឋមន្ត្រីក្រសួងមហាផ្ទៃ រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ រដ្ឋមន្ត្រីក្រសួងមុខងារសាធារណៈ រដ្ឋមន្ត្រីគ្រប់ក្រសួង ប្រធានគ្រប់ស្ថាប័នដែលពាក់ព័ន្ធ និងសាមីខ្លួន ឈ្មោះក្នុងមាត្រា១ ខាងលើ ត្រូវទទួលបន្ទុកអនុវត្តក្រឹត្យនេះ តាមភាពរកិច្ចរៀងៗខ្លួន ចាប់ពីថ្ងៃចុះហត្ថលេខាតទៅ ៕
