សម្តេចតេជោ ហ៊ុន សែន ទទួលបានរូបថត៤សន្លឹក ពីអ្នកប្រើបណ្តាញសង្គម ប៉ុន្តែមិនទាន់ដឹងរូបថតនោះថតនៅពេលណា និងថតនៅកន្លែងណា នោះឡើយ

កាលពីយប់ថ្ងៃទី០២ ខែកញ្ញា ឆ្នាំ២០២២ សម្តេចតេជោ ហ៊ុន សែន បានធ្វើការបង្ហោះនៅលើគណនីហ្វេសប៊ុករបស់សម្តេច ដោយទទួលបានរូបថត ៤សន្លឹក តែមិនទាន់ដឹងប្រភពរូបថតនោះថតនៅពេលណា នៅកន្លែងណា និងអ្នកណាអ្នកថតឡើយ។

សម្តេចតេជោ បានមានប្រសាសន៍ឲ្យដឹងថា «សូមអរគុណបងប្អូន ដែលមានឈ្មោះថា យុវជនតេជោដែលតែងតែផ្តល់រូបថតកាលពីដំណាក់កាលចរចាស្វែងរកសន្តិភាពមកដល់ខ្ញុំរយៈ Messenger Facebook ។ រូបថតទាំងនេះខ្ញុំពិតជាមិនដែលបានឃើញ និងមិនដឹងថា ថតពេលណា? នៅកន្លែងណា? និងអ្នកណាជាអ្នកថត? នោះឡើយ»៕