ក្រសួងសាធារណការ បញ្ជាក់ថាជនបរទេសអាចយកបណ្ណបើកបររបស់ប្រទេសខ្លួន ប្តូរយកបណ្ណបើកបរខ្មែរបាន ដោយត្រូវមានឯកសារទាំងនេះ
- BY
- srey nuch
- September 28, 2022
រាជាជធានីភ្នំពេញ៖ យោងតាមការចុះផ្សាយរបស់ ក្រសួងសាធារណការ និងដឹកជញ្ជូន នៅថ្ងៃទី២៨ ខែកញ្ញា ឆ្នាំ២០២២ បានឱ្យដឹងថា ក្រសួងសាធារណការ បានឆ្លើយសំណួរ ដែលសួរច្រើនជាងគេប្រចាំខែកក្កដា និងសីហា តាមរយៈលេខទូរស័ព្ទ(HOTLINE)៖ 1275 ដោយបានសួរថា៖ តើជនបរទេសយកបណ្ណបើកបររបស់ប្រទេសខ្លួន ប្តូរយកបណ្ណបើកបរខ្មែរបានដែរឬទេ? ឯកសារអ្វីខ្លះ? តម្លៃប៉ុន្មាន?
ក្រសួងសាធារណការ បានបញ្ជាក់តាមចម្លើយយ៉ាងដូច្នេះថា៖ ជនបរទេសអាចយកបណ្ណបើកបររបស់ប្រទេសខ្លួន ប្តូរយកបណ្ណបើកបរខ្មែរបាន។
ឯកសារតម្រូវ៖
-បណ្ណបើកបរដើមរបស់ប្រទេសនៃជនជាតិសាម៉ី (ត្រូវបកប្រែជាភាសាអង់គ្លេស ឬបារាំង ដោយបញ្ជាក់ពីស្ថានទូត ឬស្ថានកុងស៊ុលនៃជនជាតិនោះ)
-លិខិតឆ្លងដែន និងទិដ្ឋាការមានសុពលភាពមិនតិចជាង ១៥ថ្ងៃ
-លិខិតបញ្ជាក់អាសយដ្ឋានបច្ចុប្បន្ន (ចេញដោយមេឃុំ/ចៅសង្កាត់)
-លិខិតបញ្ជាក់កាយសម្បទា (មាននៅទីតាំងផ្តល់សេវា)
-រូបថត ៤x៦ ផ្ទៃពណ៌សចំនួន៣សន្លឹក។
កម្រៃសេវា៖
-ប្រភេទ ក ៤០.០០០ រៀល
-ប្រភេទ ខ ១២០.០០០ រៀល
*ជនបរទេសដែលធ្លាប់បានប្តូរមកបណ្ណបើកបរខ្មែរហើយហួសសុពលភាព និងត្រូវរងការពិន័យ ៥០០៛/ថ្ងៃ។
:::ព័ត៌មានលម្អិតទំនាក់ទំនងលេខទូរសព្ទ(Hotline)៖ 1275
ប្រភព៖ ក្រសួងសាធារណការ និងដឹកជញ្ជូន Ministry of Public Works and Transport – MPWT
- Share This Post: