គិតត្រឹមថ្ងៃនេះ ស្ថានភាពទឹកស្ទឹងខេត្តពោធិ៍សាត់ ទឹកមានកម្ពស់ ៤.៧៦ម៉ែត្រ ជិតដល់កម្រិតប្រកាសអាសន្នហើយ

ខេត្តពោធិ៍សាត់៖ យោងតាមការចុះផ្សាយរបស់​ រដ្ឋបាលខេត្តពោធិ៍សាត់ នៅថ្ងៃទី២៩ ខែកញ្ញា ឆ្នាំ២០២២ បានឱ្យដឹងថា ស្ថានភាពទឹកស្ទឹងពោធិ៍សាត់ គិតត្រឹមព្រឹកនេះ ទឹកមានកម្ពស់ ៤.៧៦ម៉ែត្រ (កម្ពស់ប្រកាសអាសន្ន ៥ម៉ែត្រ), ស្ទឹងក្រវាញ មានកម្ពស់ ២.៧៦ (កម្ពស់ប្រកាសអាសន្ន ៦ម៉ែត្រ) និងស្ទឹងវាលវែង មានកម្ពស់ ១.៥០ម៉ែត្រ (កម្ពស់ប្រកាសអាសន្ន ៩ម៉ែត្រ)។ នេះបើតាមលោក កែវ វ័យ ប្រធានមន្ទីរធនធានទឹក និងឧតុនិយម ខេត្តពោធិ៍សាត់ បានបញ្ជាក់ឱ្យដឹង នាព្រឹកថ្ងៃទី២៩ ខែកញ្ញា ឆ្នាំ២០២២នេះ។

សូមបញ្ជាក់ថា កាលពីម្សិលមិញនៅថ្ងៃទី២៨ ខែកញ្ញា ឆ្នាំ២០២២ ប្រធានមន្ទីរធនធានទឹក និងឧតុនិយម ខេត្តពោធិ៍សាត់ បានបញ្ជាក់ឱ្យដឹងថា ស្ថានភាពទឹកស្ទឹងពោធិ៍សាត់ គិតត្រឹមម៉ោង ៥ និង០០នាទីល្ងាចនេះ ទឹកមានកម្ពស់ ៤.៤៩ម៉ែត្រ (កម្ពស់ប្រកាសអាសន្ន ៥ម៉ែត្រ), ស្ទឹងក្រវាញ មានកម្ពស់ ៣.០២ (កម្ពស់ប្រកាសអាសន្ន ៦ម៉ែត្រ) និងស្ទឹងវាលវែង មានកម្ពស់ ០.៨០ម៉ែត្រ (កម្ពស់ប្រកាសអាសន្ន ៩ម៉ែត្រ) ៕

ប្រភព៖ Pursat Provincial Hall