ក្រុមហ៊ុនអេស៊ូសបានបើកសម្ពោធហាងដែលមានដាក់តាំងលក់ និងតេស្តផលិតផលគ្រប់ប្រភេទជាច្រើនសំរាប់ទីផ្សារកម្ពុជា

ភ្នំពេញ ថ្ងៃទី១ ខែធ្នូ ឆ្នាំ២០២២ — ក្រុមហ៊ុនអេស៊ូសបានសហការគ្នាជាមួយហាងនីកាដើម្បីបើកហាងលក់ផលិតផលអេស៊ូស សុទ្ធ១០០% ដែលមានការដាក់តាំងបង្ហាញម៉ូដែលជាច្រើនក្នុងនោះមានចាប់ពីកុំព្យូទ័រដែលមានកុំព្យូទ័រអេក្រង់ពេញតួកុំព្យូទ័រ កុំព្យូទ័រដែលមានអេក្រង់២ កុំព្យូទ័រសំរាប់លេងហ្គេមគ្រប់កំរិត កុំព្យូទ័រដែលអាចបត់បាន៣៦០ដឺក្រេ កុំព្យូទ័រដែលមានអេក្រង់អូឡែតការពារភ្នែក និងកុំព្យូទ័រយួរដៃអេស៊ូសគ្រប់ប្រភេទជុំវិញពិភពលោក។

ស្របពេលគ្នាផងដែរលោក Danny Huang ដែលជាអ្នកគ្រប់គ្រងផលិតផលអេស៊ូសបានឡើងថ្លែងថា យើងរៀបចំហាងASUS Exclusive Storeនេះឡើងគឺដើម្បីផ្តល់នូវសេវាកម្ម១ដល់ល្អដល់អតិថិជន ដែលពួកយើងមានការដាក់តាំងបង្ហាញរាល់ផលិតផលសំរាប់អតិថិជនទាំងអស់ធ្វើការតេស្តសាកល្បង និងមានការប្រឹក្សាយោបល់សំរាប់ការទិញអោយត្រូវតាមតម្រូវការផងដែរ។

លើសពីនេះទៅទៀត ឯកឧត្តមឡៅ ប៊ុនឡុង ដែលជាតំណាងហាងនីកា និងASUS Exclusive Store មានប្រសាសន៍ដូច្នេះថា៖ «សូមអរគុណទៅដល់ក្រុមហ៊ុនអេស៊ូសដែលបានផ្តល់ឱកាស និងទំនុកចិត្តក្នុងការសហការបើកហាងដែលមានលក់តែផលិតផលអេស៊ូសសុទ្ធ100%គ្រប់ម៉ូដែលទាំងអស់ ហើយនេះជាឱកាសមួយក្នុងការលើកស្ទួយដល់វិស័យបច្ចេកវិទ្យាប្រចាំប្រទេសកម្ពុជាយើង អោយឈានជើង ដើរទាន់សម័យកាលបច្ចេកវិទ្យាពិភពលោក។ ខ្ញុំសង្ឃឹមយ៉ាងមោះមុតថា បងប្អូនដែលជ្រើសរើសយកផលិតផលបច្ចេកវិទ្យាដែលត្រឹមត្រូវតាមស្តង់ដា មានការធានាត្រឹមត្រូវ នឹងអាចជួយអោយការងារ និងការកំសាន្តនានារបស់បងប្អូនទទួលបានភាពជោគជ័យនឹងឆ្ពោះទៅមុខជានិច្ច។»

មិនតែប៉ុណ្ណោះ លោកអ្នកអាចទទួលបានសេវាកម្មនេះជារៀងរាល់ថ្ងៃ ចាប់ពីម៉ោង៨ព្រឹក ដល់ម៉ោង៩យប់ ដែលអាចអោយលោកអ្នកដែលរវល់ការងារប្រចាំថ្ងៃមានឱកាសមកជាវ ឬទទួលបានបទពិសោធន៍ចំណេះដឹងផ្នែកបច្ចេកវិទ្យាបន្ថែមទៀតផងដែរ។

អ្វីដែលពិសេសជាងនេះទៅទៀតនោះ ខាងបុគ្គលិកផ្នែកលក់មានភាពរោះរាយរាក់ទាក់ និងអាចប្រឹក្សាយោបល់ដល់អតិថិជនទាំងអស់ជុំវិញផលិតផលអេស៊ូស និងបច្ចេកវិទ្យាទូទៅ ដែលពួកគាត់ត្រូវបានបំពាក់បំប៉នទៅដោយជំនាញ និងការហ្វឹកហាត់ពីក្រុមហ៊ុនផ្ទាល់តែម្តង។

ក្រៅពីការដាក់តាំងផលិតផលសំរាប់តេស្ត បុគ្គលិកនិងសេវាកម្មល្អ លោកអ្នកនឹងទទួលបានបរិយាកាសប្លែកប្រកបដោយផាសុកភាព និងមានកាដូជាច្រើនសំរាប់លោកអ្នកដែលបានជាវ ឬចូលរួមកម្មវិធីសប្បាយៗផ្សេងៗទៀតជាច្រើន៕