(ភ្នំពេញ)៖ ក្រោយពីតារាចម្រៀងដ៏ល្បីល្បាញពីប្រទេសកម្ពុជា-ថៃ គឺលោក G-Devith និង កញ្ញា Jannine Weigel បានធ្វើឱ្យកក្រើកក្នុងព្រឹត្តិការណ៍ប្រគំតន្ត្រីខ្នាតធំ និងដំបូងគេបង្អស់នៅប្រទេសកម្ពុជា ដែលមានឈ្មោះថា “Passion Concert By Sting Music Verse” កាលពីចុងខែតុលានោះ។ ថ្មីៗនេះអ្នកទាំង២ ក៏បានចាប់ដៃគ្នាជាថ្មី បង្ហាញខ្លួនក្នុងវីដេអូស្ពតពាណិជ្ជកម្ម Sting Metaverse Switched On ធ្វើឱ្យអ្នកគាំទ្រភ្ញាក់ផ្អើលជាខ្លាំង។

វីដេអូស្ពតពាណិជ្ជកម្មនេះគឺជាការផលិតដោយក្រុមហ៊ុន Sting Cambodia ផ្ទាល់ ដោយបង្ហាញនូវការប្រើប្រាស់បច្ចេកវិទ្យាទំនើប CGI ជា Avatar ដោយតួអង្គសម្តែងនៅក្នុងវីដេអូស្ពតនេះបានចូលទៅក្នុងពិភពថ្មីមួយ ប្រែក្លាយជាតុក្កតា នៅក្នុងពិភព Metaverse ជាពិភពថ្មីហើយប្លែក ដែលយើងមិនធ្លាប់ឃើញពីមុនមកនៅក្នុងវីដេអូស្ពតពាណិជ្ជកម្មនៅកម្ពុជា។

អ្វីដែលគួរឱ្យភ្ញាក់ផ្អើលទៀតនោះ វីដេអូស្ពតពាណិជ្ជកម្ម Sting Metaverse Switched On នេះនឹងត្រូវយកទៅចាក់ផ្សាយនៅ ២ប្រទេសឯណោះ គឺប្រទេសឡាវ និងមីយ៉ាន់ម៉ា ដែលនេះជាមោទកភាពមួយរបស់កម្ពុជា ដែលក្រុមហ៊ុនក្នុងស្រុកយើងអាចផលិតស្ពតពាណិជ្ជកម្មដែលមានភាពទាក់ទាញ ភាពច្នៃប្រតិដ្ឋ ជាមួយនឹងបច្ចេកវិទ្យាទំនើប រហូតដល់ល្បីល្បាញផ្សព្វផ្សាយជាលក្ខណៈអន្តរជាតិ។

តាមរយៈវីដេអូស្ពតពាណិជ្ជកម្មនេះ G-devith បានស្រែកថា Sting Metaverse Switched On, are you ready? ដូច្នេះហើយអាចបង្ហាញថាក្រុមហ៊ុនភេសជ្ជៈ Sting នឹងមានអ្វីប្លែក និងអស្ចារ្យ ដែលនឹងមកដល់ឆាប់ៗក្នុងឆ្នាំ ២០២៣ខាងមុខ ក៏ដូចជាពិសោធន៍ថ្មីៗជាច្រើនទៀត សម្រាប់អ្នកគាំទ្រ ដោយបន្ថែមពីតន្ត្រី និងហ្គេម ជាដើម៕