ក្មេងទំនើង២នាក់ បង្ហោះម៉ូតូលើផ្លូវសាធារណ: នៅចំនុចបណ្តោយផ្លូវសហព័ន្ធរុស្ស៊ី សង្កាត់ទឹកល្អក់ទី១ ត្រូវបានកម្លាំងសមត្ថកិច្ចឃាត់ខ្លួន

រាជធានីភ្នំពេញ៖ យោងតាមការចុះផ្សាយរបស់ ស្នងការដ្ឋាននគរបាលរាជធានីភ្នំពេញ បានឱ្យដឹងថា នៅថ្ងៃទី១៨ ខែមករា ឆ្នាំ២០២៣ វេលាម៉ោងប្រហែល ០៤៖០០នាទីទាបភ្លឺ កម្លាំងផ្នែកនគរបាលយុត្តិធម៌ នៃអធិការដ្ឋាននគរបាលខណ្ឌទួលគោក បានធ្វើការឃាត់ខ្លួនក្មេងទំនើងចំនួន០២នាក់ ពាក់ព័ន្ធករណីបង្ហោះម៉ូតូលើផ្លូវសាធារណៈ នៅចំណុចបណ្តោយផ្លូវសហព័ន្ធរុស្ស៊ី សង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ ខណៈកម្លាំងកំពុងល្បាតក្នុងមូលដ្ឋាន។

ឃាត់ខ្លួនក្មេងទំនើរចំនួន២នាក់៖
១- ឈ្មោះ តុង គីមតង ហៅ តង ភេទប្រុស ជនជាតិខ្នែរ (ជាអ្នកឌុប)
២- ឈ្មោះ សម យ៉ាឧត្តម ហៅ ឧត្តម ភេទប្រុស ជនជាតិខ្មែរ (ជាអ្នកជិះពីក្រោយ)
វត្ថុតាងដកហូត៖ ម៉ូតូម៉ាក Honda Dream c125 ពណ៌ខ្មៅ ពាក់ផ្លាកលេខ ភ្នំពេញ 1GI-1617 ជារបស់ឈ្មោះ តុង គីមតង ហៅ តង)។

បច្ចុប្បន្នក្មេងទំនើរ និងវត្ថុតាងខាងលើ កម្លាំងបញ្ជូនយកមកកាន់អធិការដ្ឋាននគរបាលខណ្ឌទួលគោក ដើម្បីធ្វើការសាសួរ និងចាត់ការបន្តតាមនីតិវិធី៕

ប្រភព៖ ស្នងការដ្ឋាននគរបាលរាជធានីភ្នំពេញ