ជំនួបរវាងលោក ដូណាល់ ដ្រាំ ជាមួយលោក គីម ជុងអ៊ុន នឹងប្រព្រឹត្តទៅនៅទីក្រុងហាណូយ ប្រទេសវៀតណាម

ប្រធានាធិបតីអាមេរិកលោក ដូណាល់ ដ្រាំ បាននិយាយកាលពីថ្ងៃសុក្រ ទី៨ ខែកុម្ភៈ ថាការជួបប្រជុំជាមួយមេដឹកនាំកូរ៉េខាងជើងលោក គីម ជុងអ៊ុន នៅខែនេះនឹងប្រព្រឹត្តធ្វើនៅទីក្រុងហាណូយ ប្រទេសវៀតណាម។ លោក ដ្រាំ បាននិយាយនៅលើបណ្តាញសង្គម Twitter របស់គាត់ថា៖ «តំណាងរបស់ខ្ញុំទើបតែចាកចេញពីប្រទេសកូរ៉េខាងជើង បន្ទាប់ពីមានកិច្ចប្រជុំប្រកបដោយផ្លែផ្កា និងពេលវេលាព្រមព្រៀងគ្នាសម្រាប់កិច្ចប្រជុំកំពូលលើកទី ២ ជាមួយលោក គីម ជុងអ៊ុន ដែលនឹងប្រព្រឹត្តទៅនៅទីក្រុងហាណូយ ប្រទេសវៀតណាម នៅថ្ងៃទី២៧ និង២៨ ខែកុម្ភៈនេះ»៕

អត្ថបទ៖ លីដា
ប្រភព៖ channelnewsasia