អ្នកប្រដាល់គុនខ្មែរ ព្រំ សំណាង ជាប់ឈ្មោះនៅវគ្គផ្តាច់ព្រ័ត្ររួចជាស្រេច ដោយត្រូវរង់ចាំគូប្រកួតវៀតណាម ឬភូមាជាមុនសិន

នៅរសៀលថ្ងៃសុក្រ ទី០៥ ខែឧសភា ឆ្នាំ២០២៣ មុននេះបន្ដិច អ្នកប្រដាល់គុនខ្មែរ ព្រំ សំណាង បានបង្ហើបឱ្យដឹងថា គាត់មានឈ្មោះនៅវគ្គផ្តាច់ព្រ័ត្រជាស្រេច បន្ទាប់ពីការចាប់ឆ្នោតរួចរាល់។ គាត់នឹងមានឱកាសខ្ពស់ក្នុងការឈ្នះមេដាយមាស ប៉ុន្តែយ៉ាងណាគាត់នឹងត្រូវរង់ចាំថា តើនរណានឹងក្លាយជាគូប្រកួតរបស់គាត់ រវាងកីឡាករមកពីប្រទេសវៀតណាម និងមីយ៉ាន់ម៉ា។

បើតាមការបង្ហោះរបស់គណនីហ្វេសប៊ុក សំណាង ព្រំ-គុនខ្មែរ គាត់បានសរសេរថា៖«ចាប់ឆ្នោតរួចហើយបងប្អូនឡើងវគ្គផ្តាច់ព្រ័ត្រ រងចាំ វៀតណាម ឬ ភូមា។ ខ្ញុំនឹងតស៊ូឱ្យដល់ទីបញ្ចប់ដើម្បីប្រទេសជាតិ គ្រួសារ និងបងប្អូនអ្នកគាំទ្រ🥊🇰🇭»។ សូមបងប្អូនកុំភ្លេចរង់ចាំទស្សនា និងចូលរួមគាំទ្រទាំងអស់គ្នា ដើម្បីលើកទឹកចិត្តដល់កីឡាករ និងកីឡាការនី តំណាងជាតិរបស់យើង៕

ប្រភព៖ សំណាង ព្រំ – គុនខ្មែរ
អត្ថបទ៖ លីដា