អបអរសាទរ! កីឡាករអេឡិចត្រូនិចកម្ពុជា ស្រ៊ន ចាន់ធឿន បានឈ្នះមេដាយប្រាក់ លើវិញ្ញាសា AK2 ឯកត្តជន

រាជធានីភ្នំពេញ៖ នៅព្រឹកថ្ងៃទី០៦ ខែឧសភា ឆ្នាំ២០២៣ កីឡាករ ស្រ៊ន ចាន់ធឿន បានឈ្នះមេដាយប្រាក់ ខណៈកីឡាករ សៅ រិទ្ធចេស្តា ឈ្នះមេដាយមាស លើប្រភេទកីឡាអេឡិចត្រូនិក វិញ្ញាសាឯកត្តជន AK2 នៃព្រឹត្តិការណ៍កីឡាស៊ីហ្គេម លើកទី៣២ នៅសណ្ឋាគារណាហ្គាវើល។

ឯកឧត្តម ជា ច័ន្ទបរិបូរណ៍ រដ្ឋលេខាធិការក្រសួងព័ត៌មាន និងជាប្រធានសហព័ន្ធកីឡា E-Sports អញ្ជើញបំពាក់មេដាយមាស ដល់កីឡាករ សៅ រិទ្ធចេស្តា ដែលទទួលបានចំណាត់ថ្នាក់លេខ ១ ខណៈដែលលេខ ២ ក៏បានទៅលើម្ចាស់ផ្ទះកម្ពុជា និងលេខ ៣ បានទៅលើកីឡាករ នៃប្រទេសថៃ សម្រាប់វិញ្ញាសា E-Sport ឯក្កតជន (Attack Online 2-Individual)នៅរសៀលថ្ងៃនេះផងដែរ ៕

ប្រភព៖ ទីភ្នាក់ងារសារព័ត៌មានកម្ពុជា