អបអរសាទរ! កីឡាករ ចុន ចិត្ត កងពលតូចថ្មើរជើងលេខ៥៣ ដណ្តើមបានមេដាយមាស វិញ្ញាសាគុនល្បុក្កតោ ប្រយុទ្ធបុរស

រាជធានីភ្នំពេញ៖ នៅថ្ងៃទី០៩ ខែឧសភា ឆ្នាំ២០២៣ កីឡាករ ចុន ចិត្ត កងពលតូចថ្មើរជើងលេខ៥៣ យោធភូមិភាគទី៥ ដណ្តើមបានមេដាយមាស វិញ្ញាសាគុនល្បុក្កតោ ប្រយុទ្ធបុរស(MEN’S COMBAT 60KG) ជូនជាតិមាតុភូមិ ក្នុងព្រឹត្តិការណ៍កីឡាអាស៊ីអាគ្នេយ៍ លើកទី៣២ ឆ្នាំ២០២៣ ដែលប្រារព្ធនៅមជ្ឈមណ្ឌលសន្និបាត និងពិព័រណ៍អន្តរជាតិជ្រោយចង្វារ (OCIC) ។

សូមបញ្ជាក់ថា ពលបាលឯក ចុន ចិត្ត ធ្លាប់បានទទួលមេដាយមាសចំនួន ៥លើកក្នុងនោះរួមមាន៖ មេដាយមាសជើងឯកថ្នាក់ជាតិចំនួន៤ ឆ្នាំ២០១៩, ២០២០, ២០២១ និង២០២២ និងមេដាយមាសជម្រើសជាតិចំនួន១ ក្នុងឆ្នាំ២០២២ និងនៅពេលនេះ ទទួលបានមេដាយមាសចំនួន ១ទៀត សរុបចំនួន ៦មេដាយមាស។ កងពលតូចថ្មើរជើងលេខ៥៣ មានមោទនភាពក្រៃលែង ដែលពលបាលឯក ចុន ចិត្ត បានប្រឹងប្រែងអស់ពីសមត្ថភាព នាំយកកិត្តិយសជូនអង្គភាព និងប្រទេសជាតិរបស់យើង ៕

ប្រភព៖ កងពលតូចថ្មេីរជេីងលេខ៥៣