SEA GAMES
អត្តពលិក ២៣៦នាក់ ត្រៀមខ្លួនរួចរាល់ ដើម្បីប្រកួតដណ្ដើមមេដាយ អាស៊ានប៉ារ៉ាហ្គេម ក្រោយចប់ស៊ីហ្គេមដោយជោគជ័យ
រាជធានីភ្នំពេញ៖ យោងតាមការចុះផ្សាយរបស់ Cambodia 2023 បានឱ្យដឹងថា ឯកឧត្ដម យី វាសនា អគ្គលេខាធិការគណៈកម្មការជាតិប៉ារ៉ាឡាំពិកកម្ពុជាបានមានប្រសាសន៍ កាលពីព្រឹកថ្ងៃទី១៨ ខែឧសភា ឆ្នាំ២០២៣ ថា រហូតមកដល់ពេលនេះ កម្ពុជា មានអត្តពលិកចំនួន ២៣៦ នាក់ បានចុះឈ្មោះរួចរាល់ និងជាស្ថាពរ ដែលទទួលស្គាល់ដោយគណៈកម្មការអន្តរជាតិ សម្រាប់ដាក់ចូលឱ្យប្រកួតក្នុងចំណោមប្រភេទកីឡាចំនួន១៤ បូករួមទាំងកីឡា E-Sport ក្នុងព្រឹត្តិការណ៍អាស៊ានប៉ារ៉ាហ្គេម លើកទី១២ ឆ្នាំ២០២៣ បន្ទាប់ពីការប្រកួតស៊ីហ្គេម លើកទី៣២ ឆ្នាំ២០២៣ បានបិទបញ្ចប់ កាលពីយប់ថ្ងៃទី១៧ ខែឧសភា។

ឯកឧត្ដមបានបញ្ជាក់ថា៖ «រហូតមកដល់ពេលនេះ យើងក៏មានការគាំទ្រពីសំណាក់ក្រុមហ៊ុនមួយចំនួនផងដែរ ហើយខ្ញុំក៏សូមជំរាបជូនដែរថា កីឡាករ កីឡាការិនីយើង មកដល់ពេលនេះ យើងមានចំនួន ២៣៦ នាក់ ដែលបានចុះឈ្មោះប្រកួតប្រកួតប្រជែងក្នុងព្រឹត្តិការណ៍អាស៊ានប៉ារ៉ាហ្គេម លើកទី១២ ដែលយើងធ្វើជាម្ចាស់ផ្ទះ គឺមាន១៤ ប្រភេទកីឡា ហើយក៏មានបូកបន្ថែមប្រភេទកីឡា E-Sport ដែលជាកីឡាសម្តែង។ ក្នុងនោះមានកីឡាករចំនួន ១៦០ នាក់ កីឡាការិនីចំនួន ៧៦ នាក់ និងមន្ត្រីដែលចុះជាប់ហ្នឹងកីឡាករមានចំនួន ៦៤ នាក់»។
ឯកឧត្ដមបានបន្ថែមទៀតថា នេះជាកត្តាមួយដ៏ចាំបាច់ ដែលកម្ពុជាធ្វើជាម្ចាស់ផ្ទះ ហើយចូលរួមអបអរសាទរជាមួយបណ្ដាប្រទេសដទៃផ្សេងទៀត ក្នុងការដឹកនាំដ៏ឈ្លាសវៃរបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដើម្បីជាការត្រៀមខ្លួនឱ្យបានល្អ ហើយម្ចាស់ផ្ទះកម្ពុជា ក៏បានរៀបចំទីលានរួចរាល់ ដើម្បីឱ្យត្រូវតាមស្តង់ដារ ដោយចំណាយទឹកប្រាក់សរុបប្រមាណជា១លានដុល្លារអាមេរិក។
គួររំឭកថា ព្រឹត្តិការណ៍អាស៊ានប៉ារ៉ាហ្គេម ដែលកម្ពុជាធ្វើជាម្ចាស់ផ្ទះ នឹងរៀបចំឡើងចាប់ពីថ្ងៃទី៣ ដល់ថ្ងៃទី៩ ខែមិថុនា ឆ្នាំ២០២៣ ដោយកម្ពុជាធ្វើជាម្ចាស់ផ្ទះ ហើយមានប្រភេទកីឡាអត្តពលកម្ម, វាយសី, ប៊ូស្យា, អុក, បាល់ទាត់៥ម្ខាង, បាល់ទាត់៧ម្ខាង, បាល់បោះពិការភ្នែក, យូដូ, លើកទម្ងន់, ហែលទឹក, វាយកូនឃ្លីលើតុ បុរស-នារី, បាល់ទះអង្គុយបុរស-នារី, បាល់បោះជិះរទេះបុរស-នារី, និងកីឡា E-Sport៕


ប្រភព៖ Cambodia 2023
SEA GAMES
មកដឹងពីពេលវេលា កម្មវិធីបើកជាផ្លូវការព្រឹត្តិការណ៍ប្រកួតកីឡាជនជាតិពិការអាស៊ានលើកទី១២ នៅល្ងាចនេះ
រាជធានីភ្នំពេញ៖ នៅថ្ងៃទី០៣ ខែមិថុនា ឆ្នាំ២០២៣ យោងតាមការចុះផ្សាយរបស់ គណៈកម្មាធិការជាតិ បានបង្ហាញកម្មវិធី បើកជាផ្លូវការព្រឹត្តិការណ៍ប្រកួតកីឡាជនជាតិពិការអាស៊ានលើកទី១២ ឆ្នាំ២០២៣ នៅពហុកីឡដ្ឋានជាតិមរតកតេជោ ។

– ម៉ោង ១៦:០០ ទស្សនិកជន មហាជន អញ្ជើញដល់
– ម៉ោង ១៧:០០ ប្រតិភូកីឡាជនពិការអាស៊ាន ភ្ញៀវជាតិ-អន្តរជាតិ អញ្ជើញដល់
– ម៉ោង ១៨:០០ អត្តពលិកជនពិការ អញ្ជើញដល់
– ម៉ោង ១៨:៥០ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្តី នៃ ព្រះរាជាណាចក្រកម្ពុជា និងសម្ដេចកិត្តិព្រឹទ្ធបណ្ឌិតប៊ុនរ៉ានី ហ៊ុនសន អញ្ជើញដល់
– ម៉ោង ១៨:៥៥ រក្សាភាពស្ងៀមស្ងាត់ ត្រៀមស្វាគមន៍ដំណើរអញ្ជើញដល់វេទិកាកិត្តិយសរបស់ សម្ដេច អគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និង សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន និង គណៈអធិបតី
– ម៉ោង ១៩:០០៖
• ចាប់ផ្តើមកម្មវិធី
• រាប់ថយក្រោយ ចាប់ផ្តើម ពីលេខ១២ ដល់ លេខ១ (អុជកាំជ្រួច)
• ដង្ហែរទង់ជាតិ និងគោរពទង់ជាតិ នៃព្រះរាជាណាចក្រកម្ពុជា
+ ជនពិការដង្ហែរទង់ជាតិ និងប្រគល់ជូនកងទ័ពដើម្បីរៀបចំបង្ហូត និងគោរពទង់ជាតិ
+ ការសម្តែងភាសាសញ្ញាភាសាគរចំនួន ៤០រូប ពេលគោរពទង់ជាតិ
• ដង្ហែរក្បួនប្រតិភូកីឡាជនពិការអាស៊ានទាំង ១១ប្រទេស
+ ប្រតិភូកីឡាជនពិការកម្ពុជាចំនួន ១០០នាក់
+ ប្រតិភូកីឡាជនពិការប្រទេសផ្សេងៗ ៥០នាក់ក្នុងមួយប្រទេស
• ដង្ហែរ និងគោរពទង់សហព័ន្ធកីឡាជនពិការអាស៊ាន (APSF) – ASEAN PARA SPORT FEDERATION
+ ដង្ហែរទង់សហព័ន្ធ “APSE” ៨នាក់ និងទង់ប៉ារ៉ាហ្គេម ៨នាក់
• សច្ចាប្រណិធាន តំណាងអត្តពលិកមានពិការភាព និងតំណាងអាជ្ញាកណ្តាល ចៅក្រម
• វីដេអូខ្លី “ASEAN Para Games” (រយៈពេល ២នាទី)
• សុន្ទរកថា ឯកឧត្តម ហ៊ុន ម៉ានី តំណាងគណៈកម្មាធិការរៀបចំ ASEAN Para Games លើកទី១២ (៧នាទី)
• សុន្ទរកថា ប្រធានសហព័ន្ធកីឡាជនពិការអាស៊ាន “APSF” (៧នាទី)
• សុន្ទរកថា សម្ដេចតេជោនាយករដ្ឋមន្ត្រី ប្រកាសបើកជាផ្លូវការព្រឹត្តិការណ៍ ប្រកួតកីឡា ASEAN Para Games លើកទី១២ (អុជកាំជ្រួច ១៥វិនាទី)
• ផ្ទាំងទស្សនីយភាព “បេះដូងខ្មែរ” (៣៥នាទី)
+ ប្រគំស្គរជ័យ (២២០នាក់) និង របាំនារីកម្ពុជា១៦៥នាក់) សម្តែងដោយសិល្បករ សិល្បការិនីមកពីក្រសួងវប្បធម៌និងវិចិត្រសិល្បៈ។
+ ចម្រៀងហ្គីតារ លេងនិងច្រៀងដោយជនពិការពាក់កណ្ដាលខ្លួន ប្រាក់ សុផាណា (មកពីខេត្តសៀមរាប)អមដោយជនពិការ៥នាក់ និងតន្ត្រីករប្រគំឌីបករណ៍ភ្លេង១នាក់
+ សិល្បៈចម្រៀងសម្ដែងដោយបុរសស្លៀកខោខ្មៅអាវស និងពាក់វែនតាខ្មៅតំណាង ជនពិការ២១០នាក់ សម្តែងដោយក្រុមទាហានកងកាំភ្លើងធំ
+ របាំបេះដូងខ្មែរ សម្តែងដោយ សាលានាយទាហានសកម្ម ១៨០នាក់ (នារី៦០នាក់ និងបុរស១២០នាក់)
+ ចម្រៀងជាក្រុម “ASEAN PARA GAMES 2023″ THEME SONG សម្តែងដោយ ក្រុមយុវជនសសយក និងក្រុមអង្គរក្ស (៦៥០នាក់)
• ការរត់ភ្លើងគប់
+ កីឡាការនីពិការជើង វិត ចាន់ថា ប្រគល់ភ្លើងគប់ជូនឯកឧត្តម ហ៊ុន មានី
+ ឯកឧត្តមហ៊ុន មានី ប្រគល់ជូន សម្តេចតេជោនិងសម្តេចកិត្តិព្រឹទ្ធបណ្ឌិត
+ សម្តេចតេជោ និងសម្តេចកិត្តិព្រឹទ្ធបណ្ឌិត ប្រគល់ជូនកីឡាការនីពិការ ជើង វិត ចាន់ថា ដើម្បីប្រគល់ជូនទៅកីឡាករ កីឡាការនីពិការ ៨នាក់ទៀតរត់បន្ត
• ការអុជភ្លើងគប់ធំ
• ការអុជកាំជ្រួចអបអរសាទរ (៤នាទី)
• ចប់កម្មវិធី ៕



ប្រភព៖ គណៈកម្មាធិការជាតិ