ឯកឧត្តមបណ្ឌិត ម៉ុង ឫទ្ធី ពិភាក្សាគ្នាជាមួយវេជ្ជបណ្ឌិតជនជាតិហូឡង់ គ្រោងបង្កើតមជ្ឈមណ្ឌលថែទាំមនុស្សចាស់ នៅក្នុងតំបន់អភិវឌ្ឍន៍រមណីយដ្ឋានកសិទេសចរណ៍ ម៉ុង ឫទ្ធី សែនជ័យ
- BY
- Liny Chan
- June 7, 2023
ឯកឧត្តមបណ្ឌិត ម៉ុង ឫទ្ធី មានបំណងបង្កើតមជ្ឈមណ្ឌលថែទាំមនុស្សចាស់ នៅក្នុងតំបន់អភិវឌ្ឍន៍រមណីយដ្ឋានកសិទេសចរណ៍ ម៉ុង ឫទ្ធី សែនជ័យ ខណៈឯកឧត្តមបានជួបពិភាក្សាជាមួយលោកវេជ្ជបណ្ឌិត Willam ជនជាតិហូឡង់ ដែលមានបទពិសោធន៍ផ្នែកខាងរៀបចំមជ្ឈមណ្ឌលថែទាំមនុស្សចាស់ជាច្រេីនប្រទេសនៅលេីសាកលលោកនាព្រឹកនេះ។
នៅលើផេកផ្លូវការមុននេះបន្តិច ឯកឧត្តម បានបង្ហោះរូបភាព អមជាមួយខ្លឹមសារដូច្នេះថា៖ «ព្រឹកនេះមានជំនួបជាមួយលោកវេជ្ជបណ្ឌិត Willam ជនជាតិហូឡង់ គាត់មានបទពិសោធន៍ផ្នែកខាងរៀបចំមជ្ឈមណ្ឌលថែទាំមនុស្សចាស់ ជាច្រេីនប្រទេសនៅលេីសាកលលោក ដោយខ្ញុំមានបំណងចង់បង្កើតមជ្ឈមណ្ឌលនេះមួយកន្លែងដែរ នៅក្នុងតំបន់អភិវឌ្ឍន៍រមណីយដ្ឋានកសិទេសចរណ៍ម៉ុង ឫទ្ធីសែនជ័យ មុននិងបេីកកិច្ចពិភាក្សាខ្ញុំសង្កេតឃេីញសក់គាត់កន្ទ្រីងកន្ទ្រេីងពេក ក៏បានយកក្រាស់មកសិតអោយគាត់ៗសុំសិតសក់អោយខ្ញុំវិញដេីម្បីកុំអោយមានបាប »៕
អត្ថបទ៖ លីនី
- Share This Post: