ខេត្តក្រចេះ៖ នៅថ្ងៃទី១៦ ខែមិថុនា ឆ្នាំ២០២៣ យោងតាមការចុះផ្សាយរបស់ រដ្ឋបាលខេត្ដក្រចេះ បានចេញសេចក្តីជូនដំណឹងស្តីពីការពិនិត្យព្យាបាល និងវះកាត់ជំងឺកុមារ ដោយឥតគិតថ្លៃ នៅមន្ទីរពេទ្យបង្អែកខេត្តក្រចេះ ស្ថិតនៅភូមិក្រចេះ សង្កាត់ក្រចេះ ក្រុងក្រចេះ ខេត្តក្រចេះ។

ក្រុមគ្រូពេទ្យនៃមន្ទីរពេទ្យបង្អែកខេត្តក្រចេះ បានសហការជាមួយក្រុមគ្រូពេទ្យជំនាញមកពីមន្ទីរពេទ្យកុមារជាតិ និងគ្រូពេទ្យមកពីប្រទេសជប៉ុន នឹងចុះពិនិត្យព្យាបាល និងវះកាត់ជំងឺជូនកុមារដោយឥតគិតថ្លៃ ដែលនឹងប្រព្រឹត្ត ទៅចាប់ពីថ្ងៃទី២៧ ខែមិថុនា ដល់ថ្ងៃទី២៩ ខែមិថុនា ឆ្នាំ២០២៣ ចាប់ពីម៉ោង ៧៖៣០នាទីព្រឹក ដល់ម៉ោង ៤៖៣០ នាទីល្ងាច នៅមន្ទីរពេទ្យបង្អែកខេត្តក្រចេះ ស្ថិតនៅភូមិក្រចេះ សង្កាត់ក្រចេះ ក្រុងក្រចេះ ខេត្តក្រចេះ ដែលមាន ការពិនិត្យព្យាបាល និងវះកាត់ដូចខាងក្រោម៖

១-ការវះកាត់ខ្លួនលូន, ២-ការវះកាត់អវៈយវៈពីកំណើត, ៣-ពិការដោយរលាក និងរបួស, ៤-មាត់ក្រអូម ឆែប, ៥-ដុំពក, ៦-ជើងខ្វេរ, ៧-ការពិនិត្យព្យាបាលជំងឺកុមារទូទៅ និងត្រចៀកបំពង់ក។

អាស្រ័យហេតុនេះ សូមមាតា បិតា និងអាណាព្យាបាល សូមអញ្ជើញដឹកនាំកូនចៅ ក្មួយៗ មកទទួលសេវា ពិនិត្យ និងព្យាបាលជំងឺដោយឥតគិតថ្លៃ តាមពេលវេលា និងទីកន្លែងដូចបានជម្រាបជូនខាងលើ ៕

ប្រភព៖ រដ្ឋបាលខេត្ដក្រចេះ