នាយករដ្ឋមន្ត្រីជប៉ុនតែងតាំងលោក ដូណាល់ ដ្រាំ ជាបេក្ខភាពពានរង្វាន់ណូបែលសន្តិភាព

តូក្យូ៖ កាសែតជប៉ុន Asahi បានរាយការណ៍កាលពីថ្ងៃអាទិត្យ ទី១៧ ខែកុម្ភៈ ថា នាយករដ្ឋមន្រ្តីជប៉ុនលោក Shinzo Abe បានតែងតាំងប្រធានាធិបតីសហរដ្ឋអាមេរិកលោក ដូណាល់ ដ្រាំ (Donald Trump) សម្រាប់រង្វាន់ណូបែលសន្តិភាព បន្ទាប់ពីទទួលបានសំណើពីរដ្ឋាភិបាលសហរដ្ឋអាមេរិកដើម្បីធ្វើដូច្នេះ។

របាយការណ៍ដែលយោងតាមសម្តីរបស់លោក Donald Trump កាលពីថ្ងៃសុក្រ បានឱ្យដឹងថា នាយករដ្ឋមន្រ្តីជប៉ុនលោក Shinzo Abe បានតែងតាំងគាត់ជាបេក្ខភាពរង្វាន់ណូបែលសន្តិភាព និងបានផ្តល់ឱ្យគាត់នូវលិខិតបេក្ខភាពចម្លងដែលមាន ៥ទំព័រ ដោយហេតុថា លោកបានបើកកិច្ចចរចា និងបន្ធូរបន្ថយភាពតានតឹងជាមួយកូរ៉េខាងជើង។

អត្ថបទ៖​ លីដា
ប្រភព៖ channelnewsasia