ហាងមួយកន្លែងនៅតំបន់ Central Highlands ក្នុងទីក្រុង Pleiku នៃខេត្ត Gia Lai របស់ប្រទេសវៀតណាម ត្រូវបានគេផាកពិន័យ ៥០.៥ លានដុង (២,១០០ ដុល្លារអាមេរិក) ពីបទលក់ទឹកអប់ម៉ាក Chanel និងទឹកអប់ ក៏ដូចជាឡេការពារកម្តៅថ្ងៃម៉ាក Lancome ក្លែងក្លាយ តាមរយៈការ Live លក់ក្នុងហ្វេសប៊ុក។ ប៉ូលីសបានចូលឃាត់ខ្លួនអ្នកលក់ភ្លាមៗ អំឡុងពេលពួកគេកំពុង Live លក់ទំនិញ ក្រោយពីបានតាមដានហាងអស់មួយរយៈ នេះបើយោងតាមការចុះផ្សាយរបស់សារព័ត៌មាន VNExpress ។

ប៉ូលីសក៏បានរឹបអូសដបទឹកអប់ក្លែងក្លាយម៉ាក Chanel ចំនួន ៣០០ ដប និង Lancome ចំនួន ១១៨ ដប ហើយឡេការពារកម្តៅថ្ងៃម៉ាក Lancome ចំនួន ២០៤ ដប។ ប៉ូលីស​បាន​ពិនិត្យ​ឯកសារ​ទាំង​អស់​ដែល​ហាង​ផ្តល់​ឱ្យ​ និង​បាន​រក​ឃើញ​ថា​ ទាំងនោះគឺជាផលិតផល​ក្លែងក្លាយ។ ប៉ូលីសក៏​បាន​រក​ឃើញ​ដបសម្អាតរួច​ចំនួន ៤៤០ ដប ​ដោយ​មិន​មាន​វិក្កយបត្រត្រឹមត្រូវ។

ហាងមិនបានបញ្ចេញឈ្មោះនោះ ត្រូវបានផាកពិន័យចំនួន ៥០.៥ លានដុង ពីបទលក់ទំនិញក្លែងក្លាយ រំលោភកម្មសិទ្ធិបញ្ញា និងជួញដូរគ្រឿងសម្អាងដែលមិនស្គាល់ប្រភពដើម។ របស់ក្លែងក្លាយទាំងអស់ត្រូវបានរឹបអូស ហើយនឹងត្រូវបំផ្លាញចោល៕

អត្ថបទ៖ លីដា
ប្រភព៖ VNExpress