នាយឧត្តមសេនីយ៍ ហ៊ីង ប៊ុនហៀង ដឹកនាំកម្លាំងទាហានចំនួន ៥០០នាក់ និងអាវុធ២០០ដើម ដើម្បីត្រៀមបាញ់កម្ទេចចោលយន្តហោះគ្មានមនុស្សបើក ដែលហោះចូលទឹកដីកម្ពុជា

រាជធានីភ្នំពេញ៖ នៅថ្ងៃទី២៧ ខែមិថុនា ឆ្នាំ២០២៣ ក្រោយបទបញ្ជាដ៏មានឥទ្ធិពលរបស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា កម្លាំងទាហាន នៅនាយកដ្ឋានអង្គរក្សចំនួន៥០០នាក់ រួមជាមួយអាវុធ ២០០ដើម ក្រោមការដឹកនាំបញ្ជាផ្ទាល់ពីនាយឧត្តមសេនីយ៍ ហ៊ីង ប៊ុនហៀង ត្រៀមចេញទៅកាន់តំបន់ព្រំដែនជាប់ប្រទេសវៀតណាម ដើម្បីបាញ់កម្ទេចចោលយន្តហោះគ្មានមនុស្សបើក ដែលហោះចូលទឹកដីកម្ពុជា។ សូមជូនពរកម្លាំងអង្គរក្សរបស់យើងមានសុវត្ថិភាពតាមផ្លូវ និងទទួលជោគជ័យសម្រាប់កិច្ចការពារអធិបតេយ្យភាពទឹកដីរបស់យើង។

សូមបញ្ជាក់ជូនផងដែរ សម្ដេចតេជោ ហ៊ុន សែន​ បានចេញបទបញ្ជាបន្ថែម ដោយសម្ដេចតេជោ បានបញ្ជាឱ្យកម្លាំងរបស់នាយ​ឧ​ត្ត​ម​សេនីយ៍ ហ៊ីង ប៊ុន​ហៀ​ង បញ្ចេញកម្លាំង ៥០០នាក់ ជាមួយនឹងអាវុធ ២០០ដើម ដើម្បីពង្រាយគ្រប់ច្រករហក សម្រាប់ការបាញ់ទម្លាក់ដ្រូនដែលហោះចូលក្នុងទឹកដីកម្ពុជា។ សម្ដេចតេជោ ហ៊ុន សែន មានប្រសាសន៍បញ្ជាក់ថា គឺគ្មានការអត់ឱន លើកលែង សម្រាប់អ្នកណាក៏ដោយ ដែលបំពានអធិបតេយ្យរបស់កម្ពុជាឡើយ ៕

ប្រភព៖ Sorn Sopheak-ស៊ន សុភក្រ្ត
​