សម្តេចតេជោ ហ៊ុន សែន ជូនដំណឹងស្តីពីការប្រើប្រាស់បណ្តាញសង្គម Tik Tok ផ្លូវការ ដែលមានឈ្មោះថា Samdech Hun Sen

រាជធានីភ្នំពេញ៖ យោងតាមការចុះផ្សាយរបស់ ក្រសួងព័ត៌មាន បានឱ្យដឹងថា​ នាព្រឹកថ្ងៃទី២៩ ខែមិថុនា ឆ្នាំ២០២៣នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានបញ្ជាក់ជូនប្រជាពលរដ្ឋកម្ពុជា ពិសេសយុវជនដែលនិយមចូលចិត្តលេងតិកតុក​ (Tiktok) ស្តីពី ការប្រើប្រាស់បណ្តាញសង្គម Tik Tok ផ្លូវការ ដែលមានឈ្មោះថា Samdech Hun Sen។

ដើម្បីទទួលបានព័ត៌មានកាន់តែងាយស្រួល និងឆាប់រហ័ស ពីសម្តេចតេជោ ហ៊ុន សែន នាយករដ្ឋមន្ត្រីកម្ពុជា​ សម្តេចតេជោ បានណែនាំឲ្យប្រជាពលរដ្ឋចូលរួម follow/ like Tiktok សម្តេចតេជោដែលបានបើកជាផ្លូវការកាលពីថ្ងៃទី​ ២៨​ ខែមិថុនា​ ឆ្នាំ២០២៣​។

គួរបញ្ជាក់ផងដែរថា ក្រៅពីបណ្តាញសង្គម Tik Tok បងប្អូនជនរួមជាតិក៏អាចភ្ជាប់បណ្តាញសង្គមផ្លូវការសម្តេចតេជោតាមរយៈ Telegram , Youtube , Instagram , Facebook និង Twitter បានផងដែរ៕

ប្រភព៖ ក្រសួងព័ត៌មាន