ពិធីរំលឹកវិញ្ញាណក្ខន្ធអតីតនាយករដ្ឋមន្ត្រីជប៉ុន លោក អាបេ ស៊ីនហ្សូ ត្រូវបានប្រារព្ធធ្វើឡើងនៅថ្ងៃសៅរ៍ ទី០៨ ខែកក្កដា ឆ្នាំ២០២៣ ដើម្បីប្រារព្ធខួប ១ឆ្នាំ ចាប់តាំងពីលោកត្រូវបានគេបាញ់សម្លាប់ ខណៈថ្លែងសុន្ទរកថាយុទ្ធនាការមួយនៅទីក្រុង Nara ភាគខាងលិចប្រទេសជប៉ុន កាលពីឆ្នាំមុន។ ពិធីត្រូវបាន​ធ្វើ​ឡើង​នៅ​ពេល​ព្រឹកថ្ងៃសៅរ៍ ​នៅ​ប្រាសាទ Zojoji ក្នុង​ទីក្រុង​តូក្យូ។

ភរិយា និងសាច់ញាតិរបស់លោក អាបេ ក៏ដូចជានាយករដ្ឋមន្ត្រីបច្ចុប្បន្ន Kishida Fumio និងអគ្គលេខាធិការនៃគណបក្សប្រជាធិបតេយ្យសេរីដែលកំពុងកាន់អំណាចសំខាន់ គឺលោក Motegi Toshimitsu ស្ថិតក្នុងចំណោមអ្នកចូលរួម។ សាធារណជន​នឹង​អាច​ថ្វាយ​ផ្កា​នៅ​ព្រះវិហារ​នៅពេល​រសៀល។ ចំណែកបក្សពួករបស់គណបក្សប្រជាធិបតេយ្យសេរី ដែលលោក អាបេ ធ្លាប់បានដឹកនាំពីមុន នឹងរៀបចំព្រឹត្តិការណ៍មួយនៅក្នុងរដ្ឋធានីនៅថ្ងៃសៅរ៍ដូចគ្នា។ ហើយកិច្ចប្រជុំរបស់អ្នកជំនាញ និងអ្នកផ្សេងទៀត ដែលចង់អនុវត្តតាមការចង់បានរបស់លោក អាបេ ក៏នឹងប្រព្រឹត្តទៅផងដែរ៕

អត្ថបទ៖ លីដា
ប្រភព៖ NHK