មន្ទីរបរិស្ថានខេត្ដកំពង់ស្ពឺ នឹងផ្អាកការនាំភ្ញៀវឡើងកំសាន្តនៅលើភ្នំខ្នងផ្សារ ចាប់ពីថ្ងៃទី២១ ដល់ថ្ងៃទី២៣ ខែកក្កដា ឆ្នាំ២០២៣

ខេត្តកំពង់ស្ពឺ៖ នៅថ្ងៃទី២០ ខែកក្កដា ឆ្នាំ២០២៣ យោងតាមការចុះផ្សាយរបស់ មន្ទីរបរិស្ថានខេត្ដកំពង់ស្ពឺ បានប្រកាសថា នឹងផ្អាកការនាំភ្ញៀវឡើងកំសាន្តនៅលើភ្នំខ្នងផ្សារ និងមិនអនុញ្ញាតឲ្យបងប្អូនប្រជាពលរដ្ឋឡើងទៅលេងកម្សាន្តឡើយ។

ដោយចាប់ពីថ្ងៃទី២១ ខែកក្កដា ដល់ថ្ងៃទី២៣ ខែកក្កដា ឆ្នាំ២០២៣ មន្ទីរបរិស្ថានខេត្តកំពង់ស្ពឺ និងសហគមន៍តំបន់ការពារធម្មជាតិ ផ្អាកការនាំភ្ញៀវឡើងកំសាន្តនៅលើភ្នំខ្នងផ្សារ និងមិនអនុញ្ញាតឲ្យបងប្អូនប្រជាពលរដ្ឋ និងសាធារណៈជនទាំងអស់ ឡើងទៅលេងកម្សាន្តឡើយ។ ដោយសារនៅថ្ងៃទី២៣ ខែកក្កដា ឆ្នាំ២០២៣ គឺជាថ្ងៃបោះឆ្នោតជ្រើសតាំងតំណាងរាស្ត្រអាណត្តិទី៧ ដូច្នេះសូមបងប្អូនប្រជាពលរដ្ឋ និងសាធារណៈទាំងអស់មេត្តាជ្រាបជាព័ត៌មាន និងយោគយល់ ដោយក្តីអនុគ្រោះ។

ក្នុងករណីបងប្អូនប្រជាពលរដ្ឋ និងសាធារណៈជនទាំងអស់ ពុំព្រមអនុវត្តន៍តាមសេចក្តីប្រកាសជូនដំណឹងខាងលើ មន្ទីរបរិស្ថានខេត្តកំពង់ស្ពឺ នឹងសហការជាមួយអាជ្ញាធរមានសមត្ថកិច្ច និងអង្គភាព ពាក់ព័ន្ធទាំងអស់ ចាត់វិធានការតាមនីតិវិធីច្បាប់ជាធរមាន៕

ប្រភព៖ មន្ទីរបរិស្ថាន ខេត្តកំពង់ស្ពឺ