អាជ្ញាធរហ្វីលីពីនបាននិយាយថា កំពូលព្យុះទីហ្វុង Doksuri បាននាំមកនូវទឹកជំនន់ និងការបាក់ដីនៅក្នុងប្រទេសហ្វីលីពីន ដែលបានសម្លាប់មនុស្សយ៉ាងហោចណាស់ ៥នាក់។ ព្យុះទីហ្វុង Doksuri បានបណ្តាលឱ្យមានទឹកជំនន់នៅទូទាំងតំបន់ចំនួន៥ និងការបាក់ដី ដែលបណ្ដាលមកពីភ្លៀងធ្លាក់ខ្លាំង នេះបើយោងតាមក្រុមប្រឹក្សាកាត់បន្ថយ និងគ្រប់គ្រងហានិភ័យគ្រោះមហន្តរាយជាតិ។ ទីភ្នាក់ងារនេះបាននិយាយថា ជនរងគ្រោះម្នាក់បានស្លាប់នៅក្នុងតំបន់ Calabarzon ហើយ ៤នាក់ បានស្លាប់នៅក្នុងតំបន់ភ្នំ Cordillera ខណៈមនុស្ស ២នាក់ បានរងរបួសនៅទីតាំងផ្សេងទៀត។

ព្យុះទីហ្វុង Doksuri បានបោកបក់នៅម៉ោង ៣:១០ នាទីព្រឹក ម៉ោងក្នុងស្រុក នៅជិតកោះ Fuga ភាគខាងជើង ហើយទោះបីជាវាបានចុះខ្សោយពីកម្លាំងព្យុះទីហ្វុងក៏ដោយ ក៏ Doksuri បានមកដល់ជាមួយនឹងខ្យល់បក់ដែលមានល្បឿន ២២០ គីឡូម៉ែត្រក្នុងមួយម៉ោង ដែលស្មើនឹងខ្យល់ព្យុះអាត្លង់ទិកកម្រិតទី៤ នេះបើយោងតាមមជ្ឈមណ្ឌលព្រមានអំពីព្យុះទីហ្វុង។ លក្ខខណ្ឌគ្រោះថ្នាក់ និងគំរាមកំហែងដល់អាយុជីវិត ត្រូវបានរំពឹងទុកនៅក្នុងតំបន់មួយចំនួននៅ Luzon ដែលជាកោះធំជាងគេ និងមានប្រជាជនច្រើនជាងគេរបស់ប្រទេសហ្វីលីពីន ក៏ដូចជាការវាយប្រហារពីភ្លៀងធ្លាក់ខ្លាំងផងដែរ៕

អត្ថបទ៖ លីដា
ប្រភព៖ CNN