ថ្ងៃទី៦ ខែកក្កដា គឺជាថ្ងៃក្តៅបំផុតនៅរបស់ផែនដី ហើយនៅទូទាំងពិភពលោក កម្ដៅជាមធ្យមបានឡើងដល់ ១៧.០៨ អង្សាសេ។ ទីភ្នាក់ងារបាននិយាយថា សីតុណ្ហភាពលើផ្ទៃសមុទ្រពិភពលោក ក៏មានកម្រិតខ្ពស់ខុសពីធម្មតា ចាប់តាំងពីពាក់កណ្តាលខែឧសភា មកម្ល៉េះ។ កាលពីថ្ងៃទី៣១ ខែកក្កដា សីតុណ្ហភាពលើផ្ទៃសមុទ្រជាមធ្យមបានឡើងដល់ ២០.៩៦ អង្សាសេ ដែលលើសពីកំណត់ត្រាពីមុន គឺ ២០.៩៥ អង្សាសេ ដែលបានកត់ត្រាក្នុងខែមីនា ឆ្នាំ២០១៦។ ផ្ទៃសមុទ្រ​មានសភាពក្តៅខ្លាំង ក៏​បាន​រួម​ចំណែក​ធ្វើ​ឱ្យ​មាន​សីតុណ្ហភាព​ខ្ពស់​ខ្លាំង​ក្នុង​ខែកក្កដាផងដែរ។

កាល​ពី​ខែកក្កដា រលក​កម្ដៅ​បាន​វាយ​ប្រហារ​តំបន់​ជា​ច្រើន​ក្នុង​ពិភពលោក រួម​មាន​អាស៊ី អឺរ៉ុប និង​សហរដ្ឋ​អាមេរិក។ ភ្លើងឆេះព្រៃដ៏ធំបានផ្ទុះឡើងនៅប្រទេសកាណាដា និងក្រិក។ ទីភ្នាក់ងារនេះនិយាយថា ការបំភាយឧស្ម័នផ្ទះកញ្ចក់ពីសកម្មភាពរបស់មនុស្ស គឺជាកត្តាជំរុញដ៏សំខាន់ ដែលធ្វើឱ្យសីតុណ្ហភាពកើនឡើងខ្លាំងបំផុត។ វាបង្ហាញថា សីតុណ្ហភាពនៅលើដីទំនងជានឹងបន្តកើនលើសពីមធ្យមភាគ ហើយប្រហែលជានឹងឈានដល់កម្រិតមធ្យម ឬកម្រិតខ្ពស់បន្ថែមទៀត៕

អត្ថបទ៖ លីដា
ប្រភព៖ NHK