អន្តរជាតិ

សហរដ្ឋអាមេរិក​បានប្រកាស​ផ្តល់​ជំនួយ​សន្តិសុខ ២០០​លាន​ដុល្លារ​ បន្ថែមទៀតដល់​អ៊ុយក្រែន

BY
autoadmin
August 15, 2023

ក្រសួងការពារជាតិអាមេរិកបានប្រកាសផ្តល់ជំនួយផ្នែកសន្តិសុខបន្ថែមទៀត ដែលមានតម្លៃរហូតដល់ ២០០ លានដុល្លារ សម្រាប់ប្រទេសអ៊ុយក្រែន។ មន្ទីរបញ្ចកោណបាននិយាយកាលពីថ្ងៃច័ន្ទថា កញ្ចប់ជំនួយរួមមានគ្រាប់បែកបន្ថែមសម្រាប់ប្រព័ន្ធការពារដែនអាកាស Patriot ក៏ដូចជាគ្រាប់រំសេវជាច្រើនទៀត សម្រាប់ប្រព័ន្ធកាំភ្លើងធំទំនើប ឬ HIMARS ។

រដ្ឋមន្ត្រីការបរទេសអាមេរិកលោក Antony Blinken បាននិយាយនៅក្នុងសេចក្តីថ្លែងការណ៍មួយថា៖«រុស្ស៊ីបានចាប់ផ្តើមសង្រ្គាមនេះ ហើយអាចបញ្ចប់វានៅពេលណាក៏បាន ដោយការដកកងកម្លាំងរបស់ខ្លួនចេញពីអ៊ុយក្រែន»។ លោកបានបន្ថែមថា ៖«ប្រសិនរុស្ស៊ីនៅតែធ្វើសង្គ្រាមនេះ សហរដ្ឋអាមេរិក និងសម្ព័ន្ធមិត្ត និងដៃគូរបស់យើង នឹងបន្ដឈររួបរួមជាមួយអ៊ុយក្រែន ដរាបណាពួកគេត្រូវការ»៕

អត្ថបទ៖ លីដា
ប្រភព៖ រ៉យទ័រ

Share This Post:

SPONSOR

អត្តបទទាក់ទង