នាយករដ្ឋមន្ត្រីជប៉ុនគ្រោងនឹងស្វែងរកការយោគយល់ពីអន្តរជាតិ ចំពោះការបង្ហូរទឹកសំណល់ចេញពីរោងចក្រថាមពលនុយក្លេអ៊ែរ Fukushima Daiichi ចូលទៅក្នុងសមុទ្រ
- BY
- autoadmin
- August 30, 2023
នាយករដ្ឋមន្ត្រីជប៉ុនលោក Kishida Fumio គ្រោងនឹងស្វែងរកការយោគយល់អំពីការបញ្ចេញទឹកសំណល់ ចេញពីរោងចក្រថាមពលនុយក្លេអ៊ែរ Fukushima Daiichi ចូលទៅក្នុងសមុទ្រ នៅក្នុងកិច្ចប្រជុំអន្តរជាតិនៅសប្តាហ៍ក្រោយនេះ។ ចំណាត់ការនេះ កើតឡើងចំពេលមានការប្រឆាំងរបស់ប្រទេសចិន ចំពោះការបង្ហូរទឹកដែលបានចាប់ផ្តើមនៅថ្ងៃទី២៤ ខែសីហា។
លោក Kishida គ្រោងនឹងទៅបំពេញទស្សនកិច្ចនៅប្រទេសឥណ្ឌូនេស៊ី និងឥណ្ឌា ក្នុងដំណើរទេសចរណ៍រយៈពេល ៧ថ្ងៃ ដែលនឹងចាប់ផ្តើមនៅថ្ងៃទី០៥ ខែកញ្ញា។ លោកនឹងចូលរួមកិច្ចប្រជុំកំពូលជាមួយមេដឹកនាំនៃសមាគមប្រជាជាតិអាស៊ីអាគ្នេយ៍ និងក្រុមសេដ្ឋកិច្ច G20 ហើយលោកនាយករដ្ឋមន្ត្រីក៏គ្រោងនឹងឆ្លៀតឱកាសស្វែងរកការយោគយល់ពីអន្តរជាតិ។ ជម្រាបដែរថា ប្រទេសចិនបន្តរិះគន់ជប៉ុនកាន់តែខ្លាំងឡើងៗ និងបានផ្អាកការនាំចូលអាហារសមុទ្រជប៉ុនទាំងអស់ ចាប់តាំងពីការបង្ហូរទឹកចេញពីរោងចក្រ Fukushima បានចាប់ផ្តើម៕
អត្ថបទ៖ លីដា
ប្រភព៖ NHK
- Share This Post: