សហរដ្ឋអាមេរិកបានអនុម័តការលក់មីស៊ីលរយៈចម្ងាយឆ្ងាយ ទៅឱ្យប្រទេសជប៉ុនជាលើកដំបូងបំផុត
- BY
- autoadmin
- August 29, 2023
សហរដ្ឋអាមេរិកបានអនុម័តការលក់មីស៊ីលរយៈចម្ងាយឆ្ងាយ បាញ់បង្ហោះតាមអាកាស និងឧបករណ៍ពាក់ព័ន្ធដែលមានតម្លៃជាង ១០០ លានដុល្លារ ទៅដល់ប្រទេសជប៉ុន។ រដ្ឋាភិបាលអាមេរិកបានជូនដំណឹងដល់សភាអំពីផែនការលក់មីស៊ីល Joint Air-to-Surface Standoff Missile-Extended Range ឬ JASSM-ER ដែលបំពាក់លើយន្តហោះចម្បាំង ទៅឱ្យប្រទេសជប៉ុន។ JASSM-ER គឺជាប្រភេទ standoff មានន័យថា វាអាចបាញ់ចេញពីក្រៅរង្វង់ដែលសត្រូវអាចចាប់បាន។ មីស៊ីលនេះ អាចបាញ់ចម្ងាយជាង ៩០០ គីឡូម៉ែត្រ ហើយវាជាលើកទី១ ដែលការលក់របស់អាមេរិកទៅជប៉ុនត្រូវបានអនុម័ត។
រដ្ឋាភិបាលសហរដ្ឋអាមេរិកបានលាតត្រដាងថា ជប៉ុនបានស្នើសុំទិញមីស៊ីលដល់ទៅ ៥០ គ្រាប់ នៅក្នុងតម្លៃប្រមាណ ១០៤ លានដុល្លារ។ រដ្ឋាភិបាលបាននិយាយថា ការលក់ដែលបានស្នើឡើងនឹងគាំទ្រដល់គោលដៅគោលនយោបាយការបរទេស និងគោលដៅសន្តិសុខជាតិរបស់សហរដ្ឋអាមេរិក ដោយការបង្កើនសន្តិសុខនៃសម្ព័ន្ធមិត្តដ៏សំខាន់មួយ។ ពួកគេក៏និយាយផងដែរថា ការលក់នេះនឹងធ្វើឱ្យប្រសើរឡើងនូវសមត្ថភាពរបស់ប្រទេសជប៉ុន ក្នុងការទប់ទល់នឹងការគម្រាមកំហែងនាពេលបច្ចុប្បន្ន និងអនាគតដោយផ្តល់នូវសមត្ថភាពទប់ទល់៕
អត្ថបទ៖ លីដា
ប្រភព៖ NHK
- Share This Post: