និយ័តករទូរគមនាគមន៍កម្ពុជា បង្កើតលេខទូរស័ព្ទ១២៨៩ ដើម្បីឱ្យកសិករមានចម្ងល់ សួរទៅកាន់មន្ត្រីជំនាញពាក់ព័ន្ធបច្ចេកទេសកសិកម្មដោយឥតគិតថ្លៃ

រាជធានីភ្នំពេញ៖ យោងតាមការចុះផ្សាយរបស់ និយ័តករទូរគមនាគមន៍កម្ពុជា បានចេញសេចក្ដីប្រកាសផ្លាស់ប្តូរ និងប្រើប្រាស់លេខទូរស័ព្ទ ១២៨៩វិញ ដើម្បីឲ្យកសិករនានា ទូរស័ព្ទហៅសួរ ទៅមន្ត្រីជំនាញកសិកម្ម ជួយដោះស្រាយផ្នែកបច្ចេកទេសកសិកម្ម ការផ្តល់ប្រឹក្សារបៀបដាំដំណាំ និងការចិញ្ចឹមសត្វជាដើម។

និយ័តករទូរគមនាគមន៍កម្ពុជា តម្រូវឱ្យទូរគមនាគមន៍កម្ពុជាអនុញ្ញាតឱ្យអ្នកប្រើប្រាស់សេវាទូរស័ព្ទទាំងអស់ ហៅទូរស័ព្ទចូលលេខកូដខ្លី ១២៨៩ ដោយឥតគិតថ្លៃ ទោះបីលេខទូរស័ព្ទពុំមានទឹកប្រាក់ហៅចេញ ព្រមទាំងធ្វើការតភ្ជាប់លេខកូដខ្លីនេះជាមួយ ប្រតិបត្តិករទូរស័ព្ទ ក្នុងគោលបំណងផ្តល់ដំណោះស្រាយផ្នែកបច្ចេកទេសកសិកម្មជូនកសិករ។ សេចក្តីដូចបានជម្រាបជូនខាងលើ សូមឯកឧត្តម ចាត់ចែងតាមការគួរ ៕​