ស្នងការនគរបាលខេត្ដកំពត បញ្ជាក់ថា ចាប់ពីយប់ម៉ោង២ទាបភ្លឺ ក្រុមក្មេងទំនើងដែលមិនចេះសម្រាន្តយប់ នឹងត្រូវប្រមូលយកមកទុកឱ្យសំរាកនៅអធិការដ្ឋានវិញ

ខេត្តកំពត៖ នៅយប់ថ្ងៃទី០៧ ខែកញ្ញា ឆ្នាំ២០២៣ម្សិលមិញនេះ យោងតាមគណនីហ្វេសប៊ុកផ្លូវការរបស់ ឧត្តមសេនីយ៍ទោ ម៉ៅ ច័ន្ទមធុរិទ្ធ​ ស្នងការនគរបាលខេត្ដកំពត បានបញ្ជាក់ថា ចាប់ពីយប់ថ្ងៃទី០៧ ខែកញ្ញានេះទៅ រាល់យប់ម៉ោង ២៖០០នាទីទាបភ្លឺ បើប្រទះឃើញក្រុមក្មេងទំនើង ដែលមិនចេះសម្រាន្តយប់ នឹងត្រូវប្រមូលយកមកទុកអោយសំរាកនៅអធិការដ្ឋានវិញ។

បើយោងតាមការបង្ហោះរបស់ ស្នងការនគរបាលខេត្ដកំពត បានសរសេរបញ្ជាក់យ៉ាងដូច្នេះថា៖ «ចាប់ពីយប់នេះតទៅថ្ងៃទី០៧ ខែកញ្ញា ឆ្នាំ២០២៣ ចាប់ពីម៉ោង២៖០០នាទី ទាបភ្លឺក្រុមប្អូនៗដែលមិនចេះសម្រាន្តយប់ ( ក្មេងទំនើង ) និងត្រូវប្រមូលយកមកទុកអោយសំរាកនៅអធិការដ្ឋាន ពេលព្រឹកឡើងបានអោយឪពុកម្តាយធានាយកទៅលំនៅដ្ឋានវិញ។ វិធានការណ៍នេះនិងអនុវត្តទាំង០៩ ក្រុងស្រុក» ៕

ប្រភព៖ ស្នងការនគរបាលខេត្ដកំពត