រាចធានីភ្នំពេញ៖ យោងតាមការចុះផ្សាយរបស់ អធិការដ្ឋាននគរបាលខណ្ឌជ្រោយចង្វារ បានឱ្យដឹងថា នៅថ្ងៃទី២១ ខែវិច្ឆិកា ឆ្នាំ២០២៣ វេលាម៉ោងប្រហែល ០៨ និង ៥០នាទី មានករណីអគ្គិភ័យឆាបឆេះផ្ទះប្រជាពលរដ្ឋនៅចំណុចផ្ទះជួល ផ្លូវទន្លេមេគង្គ ក្រុម១ ភូមិគៀនឃ្លាំង សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។ ម្ចាស់ទីតាំងឈ្មោះ ប៊ូ វាសនា ភេទប្រុស អាយុ ៤១ឆ្នាំ មានទីលំនៅស្នាក់នៅបន្ទប់លេខ២០ ក្រុម១ ផ្លូវទន្លេមេគង្គ ភូមិគៀនឃ្លាំង សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។

+សម្ភារខូចខាតមាន៖
១-ផ្ទះមួយខ្នងទំហំ ១០×៨ ឈើលើថ្មក្រោម មានចំនួន ០៩បន្ទប់ ក្រោម ០៦បន្ទប់ លើ០៣បន្ទប់។
២-ម៉ូតូហុងដាសេ១២៥ ចំនួន ០១គ្រឿង
៣-សម្ភារអគ្គិសនី អស់មួយចំនួន

+ប្រើប្រាស់រថយន្តពន្លត់អគ្គិភ័យ ប្រើអស់ចំនួន ១៤គ្រឿង
១- រថយន្តពន្លត់អគ្គិភ័យរបស់ស្នងការដ្ឋាននគរបាលរាជធានីភ្នំពេញ ចំនួន ០៧គ្រឿង
២-រថយន្តពន្លត់អគ្គិភ័យរបស់ក្រុមហ៊ុន OCIC អស់ចំនួន ០៧គ្រឿង។

បច្ចុប្បន្នអគ្គិភ័យខាងលើបានរលត់ទៅវិញទាំងស្រុងនៅវេលាម៉ោង ១០ និង ៤០នាទី ថ្ងៃខែឆ្នាំដដែល ៕

ប្រភព៖ អធិការដ្ឋាននគរបាលខណ្ឌជ្រោយចង្វារ​