ព្រះមហាក្សត្រ ចេញព្រះរាជក្រឹត្យផ្ទេរ តែងតាំង និងដំឡើងមុខតំណែងថ្នាក់ដឹកនំា ៣រូប នៃរដ្ឋលេខាធិការដ្ឋានអាកាសចរណ៍ស៊ីវិល

រាជធានីភ្នំពេញ៖ នៅថ្ងៃទី០៧ ខែឧសភា ឆ្នាំ២០២៤ ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា បានចេញព្រះរាជក្រឹត្យ ត្រាស់បង្គាប់ តែងតាំង និងដំឡើងមុខតំណែងថ្នាក់ដឹកនំា ៣រូប នៃរដ្ឋលេខាធិការដ្ឋានអាកាសចរណ៍ស៊ីវិល។

មាត្រា១៖ ផ្ទេរ និងតែងតាំងមុខតំណែង ឯកឧត្តម សាម៉ន បណ្ឌិត្យ ពីរដ្ឋលេខាធិការនៃក្រសួងព័ត៌មាន មកជា រដ្ឋលេខាធិការនៃរដ្ឋលេខាធិការដ្ឋានអាកាសចរណ៍ស៊ីវិល។

មាត្រា២៖ ដំឡើង និងតែងតាំងមុខតំណែង ឯកឧត្តម ហុង បញ្ញារិទ្ធ ពីអនុរដ្ឋលេខាធិការ មកជារដ្ឋលេខាធិការ នៃរដ្ឋលេខាធិការដ្ឋានអាកាសចរណ៍ស៊ីវិល។

មាត្រា៣៖ តែងតាំង និងផ្តល់ឋានៈ ឯកឧត្តម សោម វុត្ថា ជាជំនួយការរដ្ឋលេខាធិការដ្ឋានអាកាសចរណ៍ស៊ីវិលមានឋានៈស្មើ អគ្គនាយក ៕