រាជធានីភ្នំពេញ៖ នៅថ្ងៃទី០៨ ខែមិថុនា ឆ្នាំ២០២៤ យោងតាមការចុះផ្សាយរបស់ គណៈកម្មាធិការអូឡាំពិក បានឱ្យដឹងថា លោក Felix Dalmas គ្រូបង្គោលក្រុមបាល់ទាត់ជម្រើសជាតិកម្ពុជា បានលើកឡើងថា “យើងរីករាយនៅពេលដែលក្រុមព្យាយាមលេងដោយប្រើឆន្ទៈ និងតាមការរៀបចំ ហើយយើងក៏សូមអរគុណទៅដល់អ្នកគាំទ្រ ដែលបានចំណាយពេលដ៏មានតម្លៃចូលរួមលើកទឹកចិត្តក្រុមជម្រើសជាតិកម្ពុជា ទោះបីមេឃភ្លៀងខ្លាំងក៏ដោយ”។ ការលើកឡើងបែបនេះ ក្រោយកម្ពុជាឈ្នះម៉ុងហ្គោលី ២ទល់នឹង០ ការប្រកួតមិត្តភាពអន្តរជាតិនៅថ្ងៃទី០៧ ខែមិថុនា នាពហុកីឡដ្ឋានជាតិ។

នេះជាការប្រកួតផ្លូវការលើកដំបូងរបស់ក្រុមជម្រើសជាតិកម្ពុជាក្នុងឆ្នាំ២០២៤។ បន្ទាប់ពីជំនួបនៅរាជធានីភ្នំពេញ ក្រុមម៉ុងហ្គោលីនឹងធ្វើម្ចាស់ផ្ទះវិញម្ដងនៅថ្ងៃទី១១ ខែមិថុនា។ ២គ្រាប់ក្នុងជើងទី១នៅភ្នំពេញរកបានដោយ Yudai Ogawa និង សា ទី។

ក្រុមគោព្រៃខៀវក៏ទទួលបានជ័យជម្នះសាជាថ្មី ចាប់តាំងពីឆ្នាំ ម៉ាកាវក្នុងការប្រកួតមិត្តភាពដូចគ្នាទាំងពីខែកញ្ញា ឆ្នាំ២០២៣។ បន្ទាប់ពីការប្រកួតនេះទៅ ក្រុមជម្រើសជាតិកម្ពុជា នឹងប្រកួតតទល់​ជាមួយ ក្រុមស្រីលង្កា ក្នុងខែកញ្ញា ឆ្នាំ២០២៤ សម្រាប់វគ្គ play-off ពានរង្វាន់ AFC Asian Cup 2027៕

ប្រភព៖ Cambodia 2023