តើអ្នកធ្លាប់ដឹងទេ? កីឡាដ្ឋាន Johan Cruijff របស់ក្រុម Ajax ប្រើប្រាស់អគ្គីសនីដើរដោយពន្លឺព្រះអាទិត្យទាំងអស់

ប្រព័ន្ធផ្ទុកថាមពលដ៏ធំមួយ ដែលរួមបញ្ចូលទាំងអាគុយអេឡិចត្រូនិចថ្មី និងប្រើរួច ត្រូវបានគេដាក់នៅឯកីឡាដ្ឋាន Johan Cruijff Arena របស់ទីក្រុង Amsterdam ដែលជាផ្ទះរបស់ក្លិបបាល់ទាត់ហូឡង់ Ajax ។ វាមានសមត្ថភាពរក្សាទុកថាមពល ៣ មេហ្គាវ៉ាត់ ដែលគ្រប់គ្រាន់អាចសាកទូរស័ព្ទ iPhone បាន ៥០០,០០០ គ្រឿង ឬស្មើនឹងការផ្គត់ផ្គង់ភ្លើងបានរហូត់ដល់ ៧,០០០គ្រួសារ នៅទីក្រុង Amsterdam ក្នុងរយៈពេល ១ម៉ោង។

អ្នកផលិតប្រព័ន្ធផ្ទុកថាមពលរបស់កីឡាដ្ឋានបាននិយាយថា វាជាប្រព័ន្ធផ្ទុកថាមពលពាណិជ្ជកម្មធំជាងគេនៅទ្វីបអឺរ៉ុបដែលប្រើថ្ម EV (Electric Vehicle)។ ប្រព័ន្ធនេះរួមបញ្ចូលគ្នានូវគ្រឿងបម្លែងថាមពល ដែលមានតម្លៃស្មើនឹងអាគុយ Nissan LEAF ចំនួន ១៤៨គ្រឿង ដែលបានរក្សាទុកថាមពលដោយបន្ទះស្រូបពន្លឺព្រះអាទិត្យចំនួន ៤,២០០បន្ទះ នៅលើដំបូលនៃពហុកីឡាដ្ឋាន និងពីចម្រឹងដែករបស់វាផងដែរ៕

អត្ថបទ៖ លីដា
ប្រភព៖ weforum